Matayo 21:33 - Biblía Axweesantá Hhohho' ar Mungú 2004

³³ «Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Ya/abtór hho' 1977

³³ “Slaqsoó hatlá' iiár i qaasaak. Heeko i deer oo do'ós koóm. Nee inós misabiíbu guna dahaás baraá qaymoorós. Qaymo gari yaáw. Bohoongw guri foól baraá tla/ángw qaymo, oo ma'aá na/'aá xaaiidá' ngiwa tsoo/iti. /Aampár xuuma gari tleéhh. Qaymo gari saayín dír doosluuse, iri aa'aá káy.

Matayo 21:33 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

YEREMIA 19:3

Ki beer, kuungaá waawituú Yuda nee yaamuloouusér Yerusalemu, iia qaasaak! AAKOÓ MUNGÚ Aleesleemusmo, Munguú múk Israeli, i kaahi, ‹Ar ló' amotlakwér tlakw ngi baraá yaamuukií huúw, umuú heé kaangwí gwaa axaasi i ló'wa da'ayuut.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

Matayo 13:18

«Ala kuungá' slaqsoó dahaasusmo iiárií qaasaak.

Matayo 20:1

«Waawuti'iimár doori a slaqás nee heé qaymór sabiíbu ga koóm. Inós ina tseewa ti'iít as doosluuse ngiwa leelehhtuú ay, ngiwa huwi baraá qaymoorós ar sabiíbu.

Matayo 21:28

«Kuungá' ma katá' daanduú kaangwihe? Heeko wák daaqoó tsár gu kón. Garmoó úr guri i daqáy, guri báy, ‹Garmaaeé', tláw laarí gadiyeé aweek baraá qaymór sabiíbu.›

Matayo 23:2

«Intsaahhatuusér hara'ayár Mose nee múk Farisayowo taa iwiít gawaá kitángw Mose as hara'ayaarós kawa alki/iiti.

Marko 13:34

Slaqsaywós a adór heé aa aa'aá kay, oo do'ós gwa dír lawaaleerós i geexay, nee umuúqo heewo gwa gadiyeérós i haniís. Heé afkú doó xuúm guri hara'ayín do' nguwa xun.

Luka 19:12

Yesu iri oó', «Heeko úr i deer oo tlahhaywós ta ilaiwawa/i. Inós ina aa'aá káy amór yaamaá saawá' as kuwa waawutmoó wa qaasi, nee niri kii/.

Yohana 15:1

«Aníng a xa'anoó sabiíbu kuduú ló', nee Baabuúeé' an dooslitmo.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.