Matayo 21:23 - Biblía Axweesantá Hhohho' ar Mungú 2004

²³ Yesu iri dáh baraá Doó Mungú. Kaahamuusér uren ar Mungú nee bariisér múk Yahudi Yesu kuri i daqáy qoomár iwa intsaahhatimisi, kuri báy, «Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?»

Ya/abtór hho' 1977

²³ Yesu iri dáh baraá Doó Mungú. Geeraharuusér uren ar saalíngw múk Yahudi nee bariisér múk Yahudi Yesu guri i daqeér qoomár inós iwa intsaahhatimisi, tari oó', “Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?”

Matayo 21:23 Iomraidhean Croise

TI'INAANGW 2:14

Heedaádá' iri oó', «Heé kuúng ugwa qaas tawa heé úr daanduurene, nee tawa har'ohusmoorén a heemá? Aníng i gaasár wa slá'a adór heedaáduú Misri kura gás?» Mose iri da'ayuút, iri baraá guruuwós i oó', «Looeemaawo gadaádá' aa xu'utít.»

Matayo 20:4

Inós giri báy, ‹Tlawsé' kuungá' sleeme, gadiyeé awaagáy baraá qaymor'eé' ar sabiíbu. Bu'utuuhúng oo hariím án ngu haniís.›

Matayo 21:24

Yesu giri báy, «Aníng sleeme gár wák ngi dirhúng i yaahaás, kuungá' ngi oá'. Daqaní aníng sleeme aleesleemuú muruuwí ngur tlehhiit ngu dirhúngií oó'.

Matayo 24:1

Yesu iri ti'iít, iri quútl dír Doó Munguhe. Eeharuuseerós guri i daqeér as tlehhmuú Doó Mungú nguwa laqaan.

Matayo 26:55

Siiwadár kilae Yesu boo/aay guri báy, «Ahaá baré ina i haratleeré' ar paangadu nee guhhuli'i, adór múk fisusmoó oohár áw. Umuúqo baalaaro aníng a baraá Doó Mungú wa iwaawiít niwa intsaahhatimaamis, ala kuungá' i uhahinda'aaká.

Luka 19:47

Nee inós ina baraá Doó Mungú wa intsaahhatimís umuúqo deelooro. Ala kaahamuusér uren ar Mungú nee intsaahhatuusér hara'ayár Mose, nee múk urén oo geeraharuuse loohi kana leelehhiít ar Yesu kur gaasi.

Luka 20:1

Looarka wake Yesu muu guna baraá Doó Mungú wa intsaahhatimís, nee Ya/abtór hho' gana alki/iít. Kaahamuusér uren ar Mungú nee intsaahhatuusér hara'ayár Mose nee bariise kuna i daqáy,

Tlehhema'aá ya/Abuuse 4:7

Petro nee Yohane kiri tla/angw'ín i sihhitís, kiri yaahamiís, kiri báy, «Kuungá' muruuwí /uuruú kur tlehhita' a /uuruú heemá, nee ar umuú heemá?»

Tlehhema'aá ya/Abuuse 7:27

Ala kudá' kuqá' i giliím, Mose guri amorqií tliwií/, iri oó', ‹Heé kuúng ugwa geeraharusmoó wa qaas, nee tawa har'ohusmoorén, a heemá?