Matayo 21:15 - Biblía Axweesantá Hhohho' ar Mungú 2004

¹⁵ Ala kaahamuusér uren ar Mungú nee intsaahhatuusér hara'ayár Mosewo tari buúhh, asma muruuduú waa/oo/amo Yesu aa tlehhiít, nee asma na/ii niwa baraá Doó Mungú wa tseeaminé' ar afór ur, iwa kaahiya', «Hosana, Garmoó Daudi i xirfuuti.»

Ya/abtór hho' 1977

¹⁵ Ala geeraharuusér uren ar saalíngw múk Yahudi nee intsaahhatuusér hara'ayár Musa tari buúhh asma muruuduú waa/oo/amo oo Yesu aa tleéhh, nee asma na/'ii niwa tseeaminé' ar afór ur baraá Doó Mungú wa ale, iwa kaahiya', “Hosana, Garmoó Daudi i xirfuuti.”

Matayo 21:15 Iomraidhean Croise

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

Matayo 20:24

Nee eeharuuseedá' mibaangw adoodá' ngiwa axás, hhaeedá' tsár giri i búhh.

Matayo 21:23

Yesu iri dáh baraá Doó Mungú. Kaahamuusér uren ar Mungú nee bariisér múk Yahudi Yesu kuri i daqáy qoomár iwa intsaahhatimisi, kuri báy, «Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?»

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Matayo 22:42

«Kuungá' ka ga/eera', Kristo a garmoó heemá?» Kuri báy, «A Garmoó Daudi.»

Matayo 26:3

Qoomaadae kaahamuusér uren ar Mungú nee bariisér muu tari burumburiít baraá afeenír doó kaahamusmoó Mungú, kudá' umuuwós ta bay Kayafa.

Matayo 26:59

Kaahamuusér uren ar Mungú nee múk doó kwasleema sleémeero lamabu'úngw lama kuri leelehhiít daanduú Yesuwo as kuwa gaasi.

Matayo 27:1

Looa niwa tleér kaahamuusér uren sleémeero ar Mungú nee bariisér múk Yahudi tari al'axweés adór ta laqi daanduú Yesuwo as kuwa gaasi.

Matayo 27:20

Kaahamuusér uren ar Mungú nee bariise boo/aay kuri harakeemiís as Baraba kunguwa duuxi, nee Yesu kuwa gaasi.

Matayo 9:27

Yesu iwa didá' wa tláy, iri geerií kumiít, kuri eehár nee múk tsár oo taampu i tseeamín, ta kaahi, «Garmoó Daudi atén ti gurtleer.»

Marko 11:18

Kaahamuusér uren ar Mungú nee intsaahhatuusér hara'ayár Mosewo kangwdá' kuri axaás, loohi kari leelehhiít ar Yesu kur gaasi. Asma kuna da'ayuút as adoodá' boo/aay sleémeero intsaahhatimisuuwós nguwa waa/oó/.

Luka 20:1

Looarka wake Yesu muu guna baraá Doó Mungú wa intsaahhatimís, nee Ya/abtór hho' gana alki/iít. Kaahamuusér uren ar Mungú nee intsaahhatuusér hara'ayár Mose nee bariise kuna i daqáy,

Luka 22:2

Kaahamuusér uren ar Mungú nee intsaahhatuusér hara'ayár Mosewo pa/aangw kuna leelehhiít oo Yesu kur gaasi, asma muu kuna da'ayumiít.

Luka 22:66

Looa niwa tleér bariise nee kaahamuusér uren ar Mungú nee intsaahhatuusér hara'ayár Mose tari burumburiít, Yesu kuri huúw baraá doó kwasleemar'ín, kuri babáy,

Yohana 11:57

Qoomaarihe kaahamuusér uren ar Mungú, nee múk Farisayo, hara'aya kaa qaroó oó', tawa kaahi, ‹Bar hee ngu xuu' dír i dirii'i, kaangw ngu huwi as kuwa oohár ay.»

Yohana 12:19

Múk Farisayo tari kilooín axweés, tawa kaahi, «Aga aandí'iíke, gár kuungá' ta aleesleera' i káhh. Qaytsiité', muu sleémeero gwa eehár.»

Yohana 4:1

Yesu gay tsaáhh adór múk Farisayo ngira axaás gídaabá, Yesu eeharuusér yaariir gaa sláy ta Yohanewo, nee giri baatimiís.

Yohana 7:42

Gooi baré i kat, Kristo i ti'iit baraá xwaylár Daudí wa ale, nee amór ni dahhi a baraá Betilehemu, gixsadá' Daudi iwa hoót.»