Matayo 21:11 - Biblía Axweesantá Hhohho' ar Mungú 2004

¹¹ Boo/aydá' Yesu gwa eehar iri oó', «Heewí a aarusmo Yesu, oo baraá Nasaretír Galilayár daáhh.»

Ya/abtór hho' 1977

¹¹ Boo/aydá' Yesu gwa eehaar iri oó', “Heewí a aarusmo, Yesu oo baraá Nasaretír Galilayár daáhh.”

Matayo 21:11 Iomraidhean Croise

Matayo 2:23

Iri hotaá áy baraá gixsár Nasareti. Adoorí ina tleehharút as /aymuudá' aaruuse aa ó' iwa boo/i, kudá' tawa káh, «Inós ku bay a heé Nasareti.»

Matayo 21:10

Qoomár iwa dáh baraá Yerusalemu, muu sleémeero oo baraá gixsadá' i dirií' iri amoqwaqwadín, tari káh, «Heewí a heemá?»

Matayo 21:26

Ala bara ooaán, ‹Amór muu,› boo/aay u da'ayumitaán. Asma muu sleémeero Yohane gwaa tsaáhh adór tar aarusmo.»

Matayo 21:46

Gawaá adoorihe Yesu kuna loohi leelehhiít ar kur oohi, ala boo/oó muu kuri da'ayuút, asma Yesu muu gwaa tsaáhh adór tar aarusmo.

Marko 6:15

Bahh'alé ta kaahi, «A Eliya.» Bahh'alé ta kaahi, «Kwí a aarusmo adór aaruuseedár bál geera.»

Luka 13:33

Slám laarí nee matlo nee balooqawo gár án iwa hariím an kumiít aaiieene, asma i ya/aandaaká aarusmo kuwa dír hatlá' i gaasi, aqo har baraá Yerusalemu.

Luka 24:19

Giri yaahaás, «Ahaá, a muruú adoomá oo aa tleehharuut?» Kuri báy, «Kángw Yesú Nasareti. Inós a aarusmo. Inós i aleesleemuú kón baraá tlehhemi'iiwo nee baraá axweesanto, dír geeraá Munguhe, nee dír muu sleémeerowo.

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Luka 7:39

Heedaáduú Farisayo oo Yesu gwaa dír do'ós i dah'ís, adoodá' ngiwa ár, ina baraá muunaáwós i oó', «Heewí geera bar aarusmo, /ameenirí gu kwatimiit gaa tsaáhh adór tar heemá nee a /ameenír adoomá, asma a tlakuso'o.»

Yohana 1:21

Kuri yaahaás, «Kuúng a heemá ala? Kuúng a Eliyáwo?» Iri oó', «Aníng a Eliyawooká.» Tari oó', «Kuúng a aarusmoodáe?» Iri oó', «Aasla'áy.»

Yohana 1:25

Kuri yaahaás kuri báy, «Ahaá ala, mas baatimís, kuúng bar Kristowooká, laqaá Eliyawooká, laqaá aarusmoodaeeká?»

Yohana 4:19

/Ameenidá' guri beér, «Aáko, án kuúng ugwa tsaáhh adór kuúng tar aarusmo.

Yohana 6:14

Nee muu waa/oo/amoodá' Yesu aa tleéhh ngiwa ár, tari oó', «Aarusmoodá' ni baraá yaamií hardáh a kwí tsuwá alé.»

Yohana 7:40

Muu bahh'alé baraá boo/aydae /aymi'iiká' kiwa axaás, tari oó', «Ar ló', heewí a aarusmoodá'.»

Yohana 9:17

Heedaáduú aáng taampa kuri sagaáwa tsár wa báy, «Kuúng ma kát daanduú heesinge? Asma ilaawók ngaa qaytsitís.» Iri oó', «A aarusmo.»

Tlehhema'aá ya/Abuuse 7:37

Mosewí an kudá' múk Israeli gwa bay, ‹Aakoó Munguúhúng aarusmoó adór aníng ngu sláy baraá tla/ángw hhaeehúng wa ale, inós iiárií qaasaak.›