Matayo 20:8 - Biblía Axweesantá Hhohho' ar Mungú 2004

⁸ «Qoomár looa iwa dát, aakooduú qaymo loó' sageesihhitusmoowós guri báy, ‹Doosluuse ateeteegáy, bu'utuuín haniiseek. Bu'utu ku iimu/uún dír kudá' naa aluú wa hardah, nee daqaní ku alhhe'és dír kudá' naa geerií hardah.›

Ya/abtór hho' 1977

⁸ “Qoomár looa iwa dát, aakooduú qaymo loó' sageesihhitusmoowós guri báy, ‘Doosluuse ateeteegáy, bu'utuuín haniiseek. Bu'utu ku iimu/uún dír kudá' naa aluú wa hardah, nee daqadá' ku alhhe'és tam ay dír kudá' naa geerí hardah.’

Matayo 20:8 Iomraidhean Croise

IIMU/UUNGW 15:2

Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

IIMU/UUNGW 43:19

Geeraharusmooduú doó Yosefu kuri harasaáp, tari axweés nee inós afkú dó' wa ale.

TLAHHOÓ LAÁWI 19:13

«Inslaawmoowók mu hara/untsimaar, laqaá mu gaa fiisaar. Slaqwér heé aa gadiyuus miwa dirók wa iwiiwít xweera sleémeero ay matlaatle.

Matayo 20:7

Inooín nguri bayé', ‹Asma heé atén taa gadiyeé i haniis i kaahh.› Giri báy, ‹Kuungá' sleeme tlawsé' ay baraá qaymór sabiíbu.›

Matayo 20:9

Mukdaáduú gadiyeé gaa iimu/un qoomár looár mibaá nee wak, umuúqo heewo aqo shilingmoó wák guna sláy.

Matayo 25:19

«Deelór yaariir iwa waaráhh, aakoó lawaaleedá' niri waátl, faaro kari altleéhh nee lawaaleedá'.

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Luka 10:7

Ta baraá do'dá' wa hotá', muruú /aymár dooín ku /agá' nee ta wahaandá'. Asma heé gadiyuús i harín bu'utuwo. Ma maraá hatlá' i lolohiimara'.

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

Luka 8:3

nee Yoana harér Kusa, kudá' daqaari'iimár Herode ki saayín, nee Susana nee awa hatlá' awa yaariir. /Ameenadá' inooín gina sagadiyús ar daqaari'iimar'ín.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

DABE 24:15

Umuú deelooro dír looa ira datiká bu'utuuwós, asma inós a narkutmo bu'utuuwí an gár inós ir hooti, bar adooriheeká AAKOÓ MUNGÚ gun i /aa/aá áy as kuúng, nee kuúng tari dát baraá dakuús.

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 4:10

Kuungá' ti kiloohúng sagadiyuumise' ar adoodá' Qeeruú hhoohhoó' oo Mungú umuúqo heewo ngura aleesleemuú i haniís, kuungá' masók a adór sagadiyuusér hho' ar tsuuqaá dimbadimbé awa Mungú gaa sleer.

RUTI 2:6

Sageesihhtusmoodá' iri oó', «Inós a dahaayo'o ar xoorór Moabu. A tidá' nee Naomi ti koomá' qoomár Naomi niwa kí/ baraá yaamaá Moabu wa alé.