Matayo 20:6 - Biblía Axweesantá Hhohho' ar Mungú 2004

⁶ Qoomár looár mibaá nee wake iri malé tláy, awa hatlá' gina malé ár baraá boo/aay, ta sihhimiit tawó alé. Giri báy, ‹Baré tlaatla/aangw sleémeero a tawó diirí sihhimitá', slám a gadiyér koonda'aaká.›

Ya/abtór hho' 1977

⁶ Looár mibá nee wake iwa malé ti'iít, awa hatlá' gina malé ár baraá sokoónír i alé, ta sihhimiit tawó alé. Giri báy, ‘Baré a tawó sihhimitá' diirí wa ale, tlaatla/aangw sleémeero, slám a gadiyér koonda'aaká.’

Matayo 20:6 Iomraidhean Croise

AXWEESANOÓ SAGALOOA 19:15

Tli/a hee gu saaqír ar eér, nee heé tli/usmo slahh'amuú qwari gu tsaaq.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

Matayo 20:5

Tari daqáy. Qoomár looár lahhooe nee looár gwaleele aqo adoodár kilá' gana malé tleéhh.

Matayo 20:7

Inooín nguri bayé', ‹Asma heé atén taa gadiyeé i haniis i kaahh.› Giri báy, ‹Kuungá' sleeme tlawsé' ay baraá qaymór sabiíbu.›

Matayo 20:9

Mukdaáduú gadiyeé gaa iimu/un qoomár looár mibaá nee wak, umuúqo heewo aqo shilingmoó wák guna sláy.

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiiti. Xweera ni hardihiyá' awa hee gadiyeé tleehhamooro ngiwa aleeslayká.

Tlehhema'aá ya/Abuuse 17:21

Asma múk Athene sleémeero nee dahaayér baraadá' wa hoota, pa/ángw gár hatlá' i kaahh, aqo har kángw /abén kuwa kaahi nee kuwa axamiisi.

Ebrania 6:12

Atén a sla'aanaaká kuungá' tawa tli/uuse, ala kuungá' masók a adór mukdá' aa haratlintii', kudá' qiqtliím, as kahhó' muruudá' aa al'axweés kuwa ala'.