Matayo 20:26 - Biblía Axweesantá Hhohho' ar Mungú 2004

²⁶ Ala dirhunge a adoosingeeká. Ala umuúqo heewo oo uroó slaá' dirhunge, masók a sagadiyusmoohúng.

Ya/abtór hho' 1977

²⁶ Ala dirhunge a adoosingeeká. Ala umuúqo heewo oo uroó slaá' dirhunge, masók a sageegadiyusmoohúng.

Matayo 20:26 Iomraidhean Croise

ESEKIELI 24:13

Kuútuudá' an slasla/aruú fuqtók, ala tam aníng kiíng iga iiari hheehhe'eesaro, kiíng ana kilók met baraá slasla/aruuwók, kiíng aqo sangw baloó hhoohhouuraaká malé alé ay dír buhhtaaeé' ngay boo/ees daanduuwoge.

Matayo 20:27

Nee umuúqo heewo dirhunge oo geerií waarahhamaá slaá', masók a lawaalmoohúng.

Matayo 25:44

«Mukdá' sleeme iri ooi, ‹Ahaá Aáko, a xaylá atén kuúng uwa araán tawa qwarit, laqaá tawa waxit, laqaá tawa dahaaymo, laqaá tawa /aankwets, laqaá tawa tiq, laqaá tawa baraá doó tseegamo, uri sagadiyusaniiká?›

Matayo 27:55

Nee /ameenarka yaariir i amorqá' saáw wa xumís. Inooín an kudá' Yesu ngwa eehariye' amór Galilayár wa ale, nee nguri sagadiyusiyé'.

Marko 10:43

Ala dirhunge a adooriheeká. Heé uraay gu slaá' dirhunge, gár kuwa hariím a kuungá' nun sagadiyuus.

Marko 10:45

Asma tam Garmoó Hee sleeme naa hardihiiká as kuwa sagadiyuusi, ala nina hardáh as inós muu nguwa sagadiyuusi, nee slafiingós nguwa duuxi tawa bu'utuú múk yaariír ngur tu/i.»

Marko 9:35

Iri yaamií iwiít, kudá' mibaá nee tsár giri ateét giri báy, «Barnaxes dirhunge hee i uroó slaa', gár kuwa hariím tin niinawees muu sleémeero ba/a, nee tari sagadiyusmoó muu sleémeero.»

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Luka 22:26

Ala dirhunge a adoosingeeká. Ala kudá' úr baraá tla/angwhunge, masók an heé niiná dirhunge. Nee kuduú geeraharusmo, masók an sagadiyusmoohúng.

Yohana 18:36

Yesu iri oó', «Waawuti'iimar'eé' ar baraaká' yaamuuwooká. Waawuti'iimar'eé' geera bar ar baraaká' yaamu, eeharuuser'eé' geera án iga aleesláqw, aníng mitiwa haniís amór múk Yahudi. Ala waawuti'iimar'eé' ar baraaká' yaamuuwooká.»

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

2 korinto 1:24

Atén a sla'anaaká kuungá' nuwa hara'ayiimaan, daanduú haratlintaoorhunge. Ala atén nee kuungá' an algadiyuusaán as qwal/uuhúng, asma kuungá' aga kwa/é' baraá haratlintaaorhunge.

2 Timoteo 1:18

Kuúng a ló'wa xú' adór inós aníng ira sagadiyuumaamiís baraá yaamaá Efesooro. Bál alhhe'eesaywo Aako inós ngu gurtleemií haniisi, gurtleemuudá' amór Aakoó daahh.

Filemoni 1:13

Aníng ana slaá' iwa amor'eé' wa hooti, as aníng iwa daanduuwók wa sagadiyuusi, baraá tsegmuuwí ni diriia as Ya/abtór hho'.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

1 Petro 5:3

Nee slám kuungá' miti baaluuse tlehhiitara' daanduú kudá' taa dirhúngií saayini, ala masók kuungá' an slaqsaay tleehhitá' dir'ine.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.