Matayo 20:2 - Biblía Axweesantá Hhohho' ar Mungú 2004

² Tana al'axweés nee inós, umuú heewo nguwa bui ar shilingmoó wák tlaatla/aangw sleémeerowo. Giri huúw ay baraá qaymoorós ar sabiíbu.

Ya/abtór hho' 1977

² Tana al'axweés nee inós, umuú heewo nguwa bui ar shilingmoó wák tlaatla/aangw sleémeerowo. Giri huúw ay baraá qaymoorós ar misabiíbu.

Matayo 20:2 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

Matayo 18:28

«Ala lawaalmoodá' iwa didá' wa tláy, lawaalmooko nee inós al gadiyumamiisá' guri ár, oo iinaarós koóm ar shiliíngi tsiiruú wák. Guri óh, guri tsaweér, guri báy, ‹Iinar'eé' ay dír ngi bu' laarí.›

Matayo 20:1

«Waawuti'iimár doori a slaqás nee heé qaymór sabiíbu ga koóm. Inós ina tseewa ti'iít as doosluuse ngiwa leelehhtuú ay, ngiwa huwi baraá qaymoorós ar sabiíbu.

Matayo 20:13

«Inós heé wák dir'ine guri báy, ‹Mulqámo, án kuúng ugwa /aytimiiká. Aníng nee kuúng gár taa al'axweesaán a shilingmoówoóke?

Matayo 20:3

Qoomár looár tame iri malé tláy, múk hatlá' guna ár i sihhimiit baraá boo/áy wa ale, i gadiyér kon'aaká.

Matayo 20:9

Mukdaáduú gadiyeé gaa iimu/un qoomár looár mibaá nee wak, umuúqo heewo aqo shilingmoó wák guna sláy.

Matayo 22:19

Xáda, peesmoó koódi laqaamare'.» Peesmo kunguri huúw.

Matayo 9:37

Yesu eeharuuseerós gari báy, «Bu'uungw ku yaariír, ala múk gadiyeé ku niiná.

Marko 12:15

A hanisána, laqaá a hanisanaaká?» Yesu hhaahhafingw'ín nguwa tsaáhh, giri báy, «Ahaá a milá, mihar iiara'adá'? Peesmo huware', án u ár.»

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 10:35

Looaytleérós shiliíngír tsár gay heeduú doó dahaayeérí haniís. Iri oó', ‹Heewí amohhe'eemiseek, nee gár aa waarahh shiliíngirí tsare, án birna kií/ ngi buú'.›

Luka 20:24

«Xáda, peesmo laqaamare'. Slaqsaywí gawaakií dirií' nee gooirihe awa heemá?» Tari oó', «Slaqsaywí nee gooirihe awa waawutmoó múk Roma.»

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

Geehhoeemaá 6:6

Afo ngiri axaás sleeme, ar baraá tla/ángw muruudá' tsiyáhh oo slaáf daahh. Afoorí i kat, «Angaáno oo har qoomoó slooqomoó wák, tlaxoorós a bu'utuú tlaatla/ángw wák. Balángw shayiíri oo har qoomoó slooqa'aá tám, tlaxoorós a bu'utuú tlaatla/ángw wák. Ala di/i nee difaái ma hhitiimaar.»

1 SAMUELI 2:18

Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.

1 SAMUELI 2:26

Samueli iri kumiít urarango, AAKOÓ MUNGÚ guri sla'atís nee muko.

1 SAMUELI 3:1

Aluuwo garmaadá' ta bay Samueli AAKOÓ MUNGÚ guna sagadiyuús dír Eli wa ale. Deeloodae axweesantá amór AAKOÓ MUNGÚ daahh ina ilatlakuúr, tam iigu'utu sleeme ina ló'wa /aarúy.

1 SAMUELI 3:21

AAKOÓ MUNGÚ tiri malé geehhooeés baraá Shilór wa alé, asma AAKOÓ MUNGÚ tina geehhooeemiís dír Samueli baraá Shilór wa alé ar loohír axweesantós.