Matayo 20:16 - Biblía Axweesantá Hhohho' ar Mungú 2004

¹⁶ Yesu iri ilawaáts giri báy, «Gawaá adoorihe, kudá' alaá hará' ta geerií waaraahh, nee kudá' geeraá hará' ta alhhe'eesáy kii/.»

Ya/abtór hho' 1977

¹⁶ Yesu iri ilawaáts giri báy, “Gawaá adoorihe, kudá' alaá hará' ta geerí waaraahh, nee kudá' geerá hará' ta alhhe'eesáy kii/.”

Matayo 20:16 Iomraidhean Croise

Matayo 19:30

Ala baraá kudá' geeraá hara'a, awa yaariir i alií ki/iyá', nee kudá' alaá hará', ta geerií waaraahh.»

Matayo 21:31

Xáy, baraá daaqaywí tsare heé sla'aarír baabuúín gaa tleehh a gaalá?» Tari oó', «A kudá' niiná.» Yesu giri báy, «Án a kah, ohomuusér koódi nee tsaatuuseero ta geeraahúng i waaraahh tari dah baraá waawuti'iimár Mungú.

Matayo 22:14

«Asma múk taa ateét ku úr, ala kudá' taa tsawaár ku niiná.»

Matayo 7:13

«Daraahé', afkú iiraákw ar oohaak, asma afkú iintlaáxw nee loohír iintlaaxw in baraá qwanoó kayá'. Nee múk loohidá' ga óh ku úr.

Marko 10:31

Ala awa yaariir kudá' geeraá hará' ta alhhe'eesáy kii/, nee kudá' alaá hará' ta geerií waaraahh.»

Luka 14:24

Asma án a kah, baraá mukdá' taa iigu'uusi oo naa daqaykahe, hee i kaahh oo muruú /aymar'eé' gu tsaáq.› »

Luka 15:7

Án a kah, gawaá dooriiwo sleeme ta adoorír qwalalaa/ as heé wák oo tlakusmo oo aa hhu'u'un, ta múk mibeeraá gwaleél nee gwaleele oo gan'amuú koóm, oo hhu'u'uungw gu sla'aaká.»

Luka 7:47

Gawaá adoorihe án a kah, sla'aarirós tidá' ur gan laqaqaán as tlakweemaawós awa yaariir kiwa gurtláy. Ala heé taa tlakweemaá niiná wa gurtláy, sla'aarirós ka niina.»

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Rumi 8:30

Nee kudá' iimír aange aa qaroó tsawaár, giri ateét, nee kudá' aa qaroó ateét, giri gan'amuú i harafaár. Nee kudá' aa gan'amuú i harafaár, giri xirfayeés.

Rumi 9:30

Ala gár ta ooaan a milá daanduú tihe? Mukduú xoordaá hatlá' oo gan'amu gwa leelehhitiiká dír Munguhe, inooín kaa gan'amuú i harafaár ar loohír haratlintaao.

1 Tesalonike 2:13

Gár hatlá' ar Mungú kuwa sluufmiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiárií qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.