Matayo 20:15 - Biblía Axweesantá Hhohho' ar Mungú 2004

¹⁵ I hariindakáhe aníng muruueé' nguwa ar gadiyuus ar adór án ngur slaa'. Laqaá daxta kuúng gura' un ohína asma aníng tiwa hhoó'?› »

Ya/abtór hho' 1977

¹⁵ I hariindakáhe aníng muruueé' nguwa ar gadiyuus ar adór án ngur slaa'. Laqaá daxta kuúng da/i an ara'aánda asma aníng tiwa hhoó'?’”

Matayo 20:15 Iomraidhean Croise

TI'INAANGW 33:19

Mungú iri oó', «Aníng a dír geeraawók ar waaraáhh nee hhooeemaaeé' sleémeero ngiri dirók i laqaám, nee umuueé' nguri dirók i alki/iít niwa kah, Aníng a AAKOÓ MUNGÚ. Án hee bur gurtleemuú wa slaá', u gurtláw, nee kudá' guruueé' iwa tlatlay un gurtleemií tleéhh.»

AXWEESANOÓ SAGALOOA 23:6

Muruú /aymár qahusmo mu /ayaar, Muruú /aymaarós tam ku hhoe mu ilatleerusaar.

AXWEESANOÓ SAGALOOA 28:22

/Akusmo daqaari'iima gan mak gaanslár leeleehh, Inós ga xuiiká adór aleema ngur i hardihiyá'.

YEREMIA 18:6

«Kuungá' múk Israeli, xáy, anuú AAKOÓ MUNGÚ adoodá' tleeusmoowí aa tleéhh, dirhúng i tleehhamooro a aleeslawaakáhe? Gimsé' xuaak, adoodá' hhape i diri' gawaá dabaá tleeusmowo an adór kuungaá múk Israeli tay dir'a' gawaá dabaaeene.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 20:14

Ooheegáy tidá' kuúng wa hariím, waátl. Aníng aga slaá' bu'utuú kudá' naa aluú wa hardah nguwa alqoomees nee kók.

Matayo 6:23

Ala bar iltók ka tlaakw, slaqwtók sleémeero i gíp. Ala gwa/aateemaadá' baraawók i diriiá' bir giwiyá', gaasíng a umuú giwtirooká.»

Marko 7:22

nee iwa tsaatusmo tleehhiti, nee iwa qahusmo tleehhiti, nee iwa muruú tlákw tlehhiiti, nee iwa al/agin, nee iwa heé mure wásl tleehhiti, nee iwa iltá tlaákw ar xumiisi, nee iwa daanduú heé kaantin, nee iwa daara/an nee iwa daktu'uuti.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

1 Korinto 4:7

Asma heé kuúng ugwa iia tleerees ta múk hatlae a heemá? Kuúng gár ta koon i deéro ar taa tawó sleeriiká dír Munguhe. Ala bar kuúng aga tawó sleér, ahaá ala, kuúng mas daara/aán adór heé gaa gaa tawó slayká?

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Efeso 2:1

Aáng kuungá' aga qatlé' baraá munerhunge asma dakumisuuhúng nee tlakweemaahúng.

Efeso 2:5

asma inós atén tina slafís dinkwa nee Kristo, qoomár atén tawa múk aa qaatl baraá muneerene as tlakweemaarén. Gár tundusa ba/amís a gurtleemuú Mungú.

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

DABE 28:54

Tam heé ló'wa hhoó' oo taa hara'aya hhe'eés, hhiyaawós muruú /aymaro aqo gun /iit, tam hareerós tidá' i slai, laqaá tam na/aywós kudá' aa meet,

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

Yakobo 5:9

Hháe, kuungá' miti i qununu/aara' as mutunduwa sakwasleemuút. Qaytsiité', sakwasleemusmo naa hardáh, aa sihhiít dír afkú do'.