Matayo 2:5 - Biblía Axweesantá Hhohho' ar Mungú 2004

⁵ Inooín kuri báy, «Baraá gixsár Betilehemu ar baraá yaamaá Yudea, asma aarusmo adoorí gana alki/iít iwa kaahi,

Ya/abtór hho' 1977

⁵ Inooín kuri báy, “Baraá gixsár Betilehemu ar baraá yaamaá Yudea, asma aarusmo adoorí gana alki/iít gídaabá,

Matayo 2:5 Iomraidhean Croise

IIMU/UUNGW 35:19

Raheli iri kahhút, kari foól bihhaá loohír Efrata kaw, an Betilehemu.

Matayo 2:1

Yesu kuna laqwaál baraá gixsár Betilehemu ar baraá yaamaá Yudea, qoomár waawutmo tawa Herode. Qoomaadae xu'utuuserka ar tsatse/ nina da/aáw wa tleér ay Yerusalemu.

Matayo 2:4

Herode kaahamuusér uren sleémeero ar Mungú nee intsaahhatuusér hara'ayár Mosewo giri ateét, giri yaahamiís iwa kaahi, «Kristo dír kuy laqwaali a diimá?»

Yohana 7:42

Gooi baré i kat, Kristo i ti'iit baraá xwaylár Daudí wa ale, nee amór ni dahhi a baraá Betilehemu, gixsadá' Daudi iwa hoót.»

YOSHUA 19:15

Ay diirí digmuuwí gixsadaá aa haraaóh a gixsár Katati nee Nahalali nee Shimroni nee Yidala nee Betilehemu. Gixsadu sleémeero awa taa haniís a mibaá nee tsár dinkwa nee ayeemooine.

HAR'OHUUSE 17:7

Qoomaadár kilae masoomoko wák oo tlahhoó Laáwi i deer oo baraá gixsár Daudi ar ta bay Betilehemu, ar baraá yaamaá Yuda.

RUTI 1:1

Aáng qoomár yaamaá Israeli kiwa geeraharahaár nee har'ohuuse, giyér ur ina tleér baraá yaamaá Israeliwo. Heeko wák oo baraá gixsár Betilehemu ar baraá yaamaá Yuda ina tláy iwa ala hotaá ay baraá yaamaá Moabu. Inós nee hareerós nee daaqaywós tsár tina koné'.

RUTI 1:19

Tari kumiít tsaraawo, tari hardáh Betilehemu. Tawa hardáh Betilehemú i alé, múk baraá gixsadá' sleémeero iri waa/oó/ as inooín. /Ameena iri waa/ó/ iri ó', «Heewí aqo tsuwaá Naómíwo?»

RUTI 2:4

Naxés Boasi nina hardáh i Betilehemúr daahh. Múk bu'uúm guri laaw'eés iri oó', «AAKOÓ MUNGÚ masók ta dinkwa nee kuungá'.» Inooín tari oó', «AAKOÓ MUNGÚ u tsuuqi.»

RUTI 4:11

Bariiseedá' didí dirii' nee mukdá' sleémeero tari oó', «Eeít, atén a lamabu'uuse. AAKOÓ MUNGÚ masók /ameenisíng baraá do'ók i dah gan adór Raheli nee Lea tleehh, kudá' doó Israeli ngwa hatsiisiye'. Masók kuúng a daqaari'ít baraá tlahhoó Efratawo, nee umuuwók i iiatleeruy baraá Betilehemuwo.

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»