Matayo 2:4 - Biblía Axweesantá Hhohho' ar Mungú 2004

⁴ Herode kaahamuusér uren sleémeero ar Mungú nee intsaahhatuusér hara'ayár Mosewo giri ateét, giri yaahamiís iwa kaahi, «Kristo dír kuy laqwaali a diimá?»

Ya/abtór hho' 1977

⁴ Herode geeraharuusér uren sleémeero ar saalíngw múk Yahudi nee intsaahhatuusér hara'ayár Musa gari ateét gari yaahamiís gídaabá, “Kristo dír kuy laqwaali a diimá?”

Matayo 2:4 Iomraidhean Croise

2 QOM'I 34:13

Múk tlahhoó Laáwi múk huwaá loohís nguna sagesihhmiitiyé', nee kudá' gadiyedaá dimbadiimbé ngi tlehhiitá' nguna geeraharahariyé', bahh'ale a goouuse, nee kookaariya' a xuumuusér afér gixsa.

2 QOM'I 34:15

Hilkia goousmo Shafani guri báy, «Kitaábuú dabe ugwa sláw baraá Doó AAKOÓ MUNGÚ wa ale.» Kitaábuúdá' gway haniís dír Shafani.

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

ESRA 10:5

Naagáy Esra iri tláy kaahamuusér uren nee múk tlahhoó Laáwiwo nee múk Israeli sleémeero giri lo'ór /aymiís adoorí ngiwa tleehhiya'. Inooín lo'o ngiri /ayiyé'.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

NEHEMIA 12:7

nee Salu, nee Amoki, nee Hilkia nee Yedaya. Kuká' an kaahamuusér uren ar Mungú nee hhaeeín qoomár Yeshuawo.

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

YEREMIA 8:8

Xáy, kuungá' adór tar oa', ‹Atén a sagalooár koomaán, a dabér AAKOÓ MUNGÚ koomaán?› Ala ga/aawaak, goouusér lamuuse lama gaa gooiín.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Matayo 2:3

Waawutmo Herode adoorí ngiwa axaás iri kwisliít, tam múk Yerusalemu sleémeero iri kwisliít.

Matayo 2:5

Inooín kuri báy, «Baraá gixsár Betilehemu ar baraá yaamaá Yudea, asma aarusmo adoorí gana alki/iít iwa kaahi,

Matayo 21:15

Ala kaahamuusér uren ar Mungú nee intsaahhatuusér hara'ayár Mosewo tari buúhh, asma muruuduú waa/oo/amo Yesu aa tlehhiít, nee asma na/ii niwa baraá Doó Mungú wa tseeaminé' ar afór ur, iwa kaahiya', «Hosana, Garmoó Daudi i xirfuuti.»

Matayo 21:23

Yesu iri dáh baraá Doó Mungú. Kaahamuusér uren ar Mungú nee bariisér múk Yahudi Yesu kuri i daqáy qoomár iwa intsaahhatimisi, kuri báy, «Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?»

Matayo 26:3

Qoomaadae kaahamuusér uren ar Mungú nee bariisér muu tari burumburiít baraá afeenír doó kaahamusmoó Mungú, kudá' umuuwós ta bay Kayafa.

Matayo 26:47

Qoomár Yesu iwa baraá axweesanaydí kahhi, naxés Yuda, oo wák baraá eeharuuseedár mibaá nee tsare, niri hardáh nee boo/oó úr oo muu. I paangadaá koná' nee guhhuli'i. Mukwí amór i dahhi a amór kaahamuusér uren ar Mungú nee bariisér muu.

Matayo 27:1

Looa niwa tleér kaahamuusér uren sleémeero ar Mungú nee bariisér múk Yahudi tari al'axweés adór ta laqi daanduú Yesuwo as kuwa gaasi.

Matayo 7:29

Asma gina intsaahhatimís adór heé aleesleemuú koóm, tam a adór intsaahhatuusér hara'ayár Mosewooká.

Marko 8:31

Yesu giri iimu/ún intsaahhatimisuuwo iwa kaahi, «Garmoó Hee gár kuwa hariím a slahh'emisuú yaariír gun sláy, nee kuwa siasi'i nee bariise nee kaahamuusér uren ar Mungú, nee intsaahhatuusér hara'ayár Mosewo, kuri gaas, deelo tám bira waaráhh i waaslee/.»

Luka 20:19

Intsaahhatuusér hara'ayár Mose nee kaahamuusér uren ar Mungú kana tsaáhh gawaá slaqsayqaáqá' aa kaahi, a inooín gin kah. Gawaá adoorihe Yesu kuna loohi leelehhiít ar kur oohi siiwadár kilae, ala muu kuna da'ayumiít.

Luka 23:10

Kaahamuusér uren ar Mungú nee intsaahhatuusér hara'ayár Mose tari sihhiít, kuri sakwasleemuút ar /ayma'aá xaraaslá'.

Yohana 18:3

Múk Farisayo nee kaahamuusér uren ar Mungú, askaári kana haniís dír Yuda, nee sagadiyuusér Doó Mungú sleeme. Yuda girir dáh baraá asalmoodá', inooín ta tsaa'asoó kón nee xooslár slaqwara.

Yohana 3:10

Yesu guri báy, «Kuúng a intsaahhatusmoó múk Israeli. Ay hamí kaangwí u xu'ukáhe?

Yohana 7:32

Múk Farisayo boo/aay guri axaás adór ira qununuú/ daanduuwose. Inooín nee kaahamuusér uren ar Mungú askaári kari ya/aáw as Yesu kuwa oohi.

Yohana 8:3

Intsaahhatuusér hara'ayár Mose nee múk Farisayo /ameenirka kari huúw dír Yesu, ar tinda óh baraá fuqtá wa ale. Kari tla/ángw i qaás.

Tlehhema'aá ya/Abuuse 23:9

Tsimaahhi iri ló' wa tláhh. Intsaahhatuusér hara'ayár Mose bahh'alé, tidár bartá múk Farisayo, tana sihhiít, kuri lo'wa aleekalaá/, tari oó', «Atén tlakweemaá ta ara'araan dír heewihe i kahhiyá'. Hám wané kwaa tsuwa i axweés nee qeeru laqaá nee malaykamo.»

Tlehhema'aá ya/Abuuse 4:5

Matlaatleero looa niwa tleér, geeraharuuse nee bariise nee intsaahhatuusér hara'ayár Mosewo tari burumburiít baraá Yerusalemu,

Tlehhema'aá ya/Abuuse 6:12

Mukdá' muu guri tlaahhírí qaás nee bariiseero, nee intsaahhatuusér hara'ayár Mosewo. Stefano kuri óh, kuri huúw baraá doó kwasleema.