Matayo 2:16 - Biblía Axweesantá Hhohho' ar Mungú 2004

¹⁶ Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

Ya/abtór hho' 1977

¹⁶ Herode ngiwa ár gídaabá kwa al/aáy nee xu'utuuseedár tsatse/, iri ló'wa buúhh, muu guri ya/aáw na/'aá daaqaay sleémeero kiwa tsu/i, awa baraá gixsár Betilehemu nee inslaawaywós, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uú wa ale.

Matayo 2:16 Iomraidhean Croise

IIMU/UUNGW 39:14

sagadiyuusér do'ós gari atét, gari beér, «Qaytsité', heewú xoorór Ebrania kunguna huúw nee hhawaatuueé' as atén tiwa mureekeesi. Ina i hardáh as iwa oohi ar /uuru, ala aníng niri tseé'.

IIMU/UUNGW 39:17

Inós kangwdá' tleehharuut guri alki/ít, iwa kat, «Sagadiyusmooduú xoorór Ebrania naa doorén i húp, ina i daqáy as aníng iwa mureekeesi.

IIMU/UUNGW 49:7

Buhhtaaín ki lu'usi, asma i ló'wa xaraasliyá', muner'ín ka lu'usi, asma i ló' wa xarásl. Inooín aníng i tsiyayaáx baraá yaamaá Yakobowo. Aníng inooín ngiri diyayaá/ baraá Israeliwo.»

2 WAAWITÁ 8:12

Hasaeli guri yaahaás, «Aakooeé', ahaá a milá mas /aa/amiín?» Elisha iri oó', «Asma aníng a xuú' kuúng tlakweemaá yaariir i tléhh dír múk Israeli. Gixsaduuín kudá' koo/i gawden kiri dá/ ar asla, nee masoombar'ín an tsú/, nee na/ii'ín kiri tlumhhumís, nee /ameenár tsiihaawe ka gur'e feehhamiis.»

YOBU 12:4

Aníng aga gár waaqaseengw tleehhiít dír mulqer'eene. Anínguuwí Mungú ugwa firiim iri mu/aywaáts, anínguuwí gan'amuú koóm nee oo xaslxaansli wásl aga gár ta waaqaseesen tleehhiít dír muko.

AXWEESANOÓ SAGALOOA 28:15

Geeraharusmoó tlaákw bar narkuute gaa geerahaár a adór dirángw /oroótl nee dubú giliím.

AXWEESANOÓ SAGALOOA 28:17

Heé ta al'ilooúy nee tseerdaá muu masók in nahhamamiit ay gwa'ara masók kun /iisiiká nee hee.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

DANIELI 3:13

Naagáy Nebukadnesa iri ló'wa daa/atúy buhhtawo iri oó', «Shadraki, nee Meshaki nee Abednego dir'eéní huwaare'.» Inooín kiri huúw.

HOSEA 10:14

Gawaá adoorihe slaqwaruuse ni haratleér amór mukók, nee maraywók kudá' koo/i gawden kiri yaamií hhaaf, adoodá' Shalmani Beti-arbeli ngira yaamií hhaáf bál slaqwaraaro, ín aayo kiri nakaa/arúy dinkwa nee na/ii'ine.

FAARO 22:29

Bala'amu daqwaydá' guri báy, «Kuúng aníng iga niqís! Geeraawo masók paánga an koóm dakwe'eene, geeraawo hamír kilá' un gaás!»

FAARO 24:10

Balaki iri qa/iít buhhtaawo amór Bala'amu, tsa/aá daba' giri slaáhh buhhtaawo, iri oó', «Án kuúng una ateét as wakuuser'eé' kawa lu'us, ala ga/aaweek kuúng ina tsúq ay sagaáwa tám!

Matayo 2:1

Yesu kuna laqwaál baraá gixsár Betilehemu ar baraá yaamaá Yudea, qoomár waawutmo tawa Herode. Qoomaadae xu'utuuserka ar tsatse/ nina da/aáw wa tleér ay Yerusalemu.

Matayo 2:17

Gawaá adoorihe /aymi'iidá' aarusmo Yeremia aa oó' niri boo/iyé' kudá' iwa káh,

Matayo 2:7

Aluuwo Herode mukduú xu'utuusér tsatse/ guri dimbé ateét ar sufa, kaangw guri dir'ín wa sláy oo tsatsee/idá' iimír kawa ár.

Geehhoeemaá 12:4

Hhaysaá dayshamoowí tsatse/uú gawaá doori nguna duuruxuné' nguri kwakwaahhiyé' baraá yaamu. Tsatse/uú taa duuruxún a bartá wák baraá baduudá' tám awa tsatse/uú doori sleémeerowo. Dayshamoodá' iri sihhiít dír geeraá /ameenidá' xwaylár slaa', as na/aywós nguwa gu/i qoomár inós bar na/aay ngwa sangw xwayluúr.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.

HAR'OHUUSE 16:10

Naagáy Delila Samson guri beér, «Qaytsiít, kuúng aníng iga niqís tam looeema nga ooiká, na'ás áx adór kuúng tur aleeslay ooang.»