Matayo 2:13 - Biblía Axweesantá Hhohho' ar Mungú 2004

¹³ alaá xu'utuuseedár tsatse/ iwa tleér, malaykamoó Aako iri hardáh dír Yosefu ar baraá tlata, iri oó', «Tláw na/aay nee aayooro ar guweek ay baraá yaamaá Misri, amoodá' wa hootaak ay dír án kuúng uy ateet. Asma Herode i na/oó leelehhiit as nguwa gaasi.»

Ya/abtór hho' 1977

¹³ Xu'utuuseedár tsatse/ iwa qútl, malaykamoó Aako iri hardáh dír Yosefu ar baraá tlata, iri oó', “Na/aay ar guweek, nee aayo, ay baraá yaamaá Misri, hoót amoodá' wa aleeró ay dír án kuúng uy ateet. Asma Herode i na/oó leelehhiit as nguwa gaasi.”

Matayo 2:13 Iomraidhean Croise

1 WAAWITÁ 11:17

Ala Hadadi, qoomaadae a garmoó niiná, iri /akuút ay yaamaá Misri dinkwa nee sagadiyuusér doó baabuúwós tidár múk Edomu.

1 WAAWITÁ 3:5

Nee amoodár Gibeoniro AAKOÓ MUNGÚ iri hardáh dír Solomon ar baraá tlata xweeraawo. Mungú guri báy, «Solomon gár ta sla' firiimang án ngi haniís.»

YOBU 33:15

In axwees ar baraá tlata nee ar baraá iigu'utu, qoomár gu'utér ilo' muu burngwa ohiín.

YOBU 33:17

as kahhó' muu tlehhmi'ii'ín kudá' tlakw kiwa may, nee daara/angw'ín nguwa amorqá' i si'iya',

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 10:23

Kuungá' bartunda guús baraá gixsarí wa ale, ta gobá' baraá gixsár hatlá'. Asma án a kah, Garmoó hee ni kii/ dír gixsadaá múk Israeli kira faki'iiká.

Matayo 2:12

Inooín Mungú giri gurbuú' ar baraá tlata as mindiwa dír Herodér ki/iyé'. Inooín tari waátl ar loohír hatlá'.

Matayo 2:14

Qoomár xweeraawo Yosefu na/aay nee aayo girir tláy ay yaamaá Misri.

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

Matayo 2:22

Ala Yosefu ngiwa axaás adór Arkelao tar waawutmoó yaamaá Yudea, kitángw baabuúwós Herode, iri da'ayuút amoodá' keemuuwo. Alaá inós gurbu'utá baraá tlataawo kuwa hhe'eés, iri tláy ay yaamaá Galilaya.

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

Tlehhema'aá ya/Abuuse 10:7

Qoomár malaykamoodá' iwa tláy, Kornelio lawaaleerós ar tsár ar do'ós gari ateét, nee askaarmoó wák oo Munguú ilaiwawaá/, baraá askaáridá' inós umuú daqto gu sagadiyuusa.

Tlehhema'aá ya/Abuuse 12:11

Nee Petro iimirós iwa faxát, iri oó', «Daxta aga kángw kilá' wa tsaáhh adór Aako malaykamoowós ngura ya/aáw, as aníng iwa ba/amisi baraá dabaá Herodewo, nee baraá kangwdá' xoorór Yahudi sleémeero i daamaraan.»

Tlehhema'aá ya/Abuuse 12:7

Hamtidár kilá' malaykamoó Aako iri sihhiít bihhiiwós, do' iri gwa/aát, malaykamoodá' Petro guri tleés, guri báy, «Tlawáng ar gaanslaay.» Pínguudá' oo gawaá dabaawós iri paáhh.

Tlehhema'aá ya/Abuuse 16:36

Xuumusmooduú doó tseegamo axweesantadá' gari dír Paulo i oó', «Bariiseedár kwasleema muu ngwa ya/áp kuungá' tunduwa gweeri. Ala daxta ti'iité' tsee/a, tlawsé' ar wayda.»

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

Tlehhema'aá ya/Abuuse 7:19

Kwí múk tlahhayrén guna baramaanuús, nee baabi'iirén giri tlehhema'aá tlákw i tlehhiít. Hara'aya gari oó' na/aá ninakw kiwa kwakwaahhi, as mindiwa hootiyé'.

YOSHUA 3:13

Nee qoomár ya'aá kaahamuusér Mungú, tidá' sandakmoó alqadór AAKOÓ MUNGÚ, Aakoó yaamu sleémeero loohiis, ma'aá yaaér Yordani birnga kalaa/iyé', ma'aá yaaér Yordani nin tla/a qasiitiyá', kudá' gáwtá wa wa/amiimá' nin sihhiitiyá', wa/amiingw ngun mayá', sleeme nin burumburitiyá' dír wák adór ufa.»

YOSHUA 3:17

Qoomár kaahamuuseedá' sandakmoó alqadór AAKOÓ MUNGÚ gu loohiis iwa sihhít baraá ma'aáy, ma'aá didá' niri /oné', inooín nina didá' wa sihhmamitiyé' ay qoomár muu sleémeero iwa faakiís warahhuuwo ar baraá yaamaá kaahaar.

YOSHUA 4:10

Kaahamuuseedár Mungú sandakmoó alqadór loohiis ina sihhmaamít baraá tla/ángw yaaér Yordani wa ale. Tana sihhmaamiít ay qoomár umuú gaaro iwa hhooeér, tidá' AAKOÓ MUNGÚ aa hara'ayín dír Yoshua, as ngiwa hara'ayin dír muu, ar adór muruudá' sleémeero Mose aa hara'ayín dír Yoshua. Muu iri waaraáhh ar gaanslaay.

YOSHUA 4:18

Kaahamuuseedá' sandakmoó alqadór AAKOÓ MUNGÚ loohiis niwa ti'ít baraá tla/ángw yaaér Yordaniro, gangeefír yaae ngiwa kalaa/iyé', ma'aá yaaér Yordani niri wa/iyé' niri hatsiyé' adoodár geera i dirii'iya'.

Geehhoeemaá 12:14

Ala /ameenidá' kari hhampe'eeraá tsár i haniís awa gwareesidá' ur, as inós iwa /akut ay baraá xaanxaay, ay dirós tidá' inós kawa /aymaamisi qoomár kureeraá tám nee tlaqi. Didá' ka saaw dír dayshamoodae.

Geehhoeemaá 12:4

Hhaysaá dayshamoowí tsatse/uú gawaá doori nguna duuruxuné' nguri kwakwaahhiyé' baraá yaamu. Tsatse/uú taa duuruxún a bartá wák baraá baduudá' tám awa tsatse/uú doori sleémeerowo. Dayshamoodá' iri sihhiít dír geeraá /ameenidá' xwaylár slaa', as na/aywós nguwa gu/i qoomár inós bar na/aay ngwa sangw xwayluúr.

Geehhoeemaá 12:6

/Ameenidá' iri góp ay baraá xaanxaay. Amoodae dirós kaa amohhe'eés nee Mungú as kawa amoodá' wa /aymiisi deelo kumuú wák nee tsiire tsár nee mibeeri lahhoó'.