Matayo 2:11 - Biblía Axweesantá Hhohho' ar Mungú 2004

¹¹ Tari dáh baraá do', na/aydá' kuri ár nee aayoorós Mariawo. Kuri i tumbarara'aát kuri sluufmiís. Nee inooín muruuín kudá' i kona' nguri gweeriyé', nguri haniisiyé' dír na/aay. Muruú taa hanimiís a kwí: Sahaábu nee mooyángw tsuú', nee mooyangwko ta babay manemane.

Ya/abtór hho' 1977

¹¹ Tari dáh baraá doó i alé, na/aydá' kuri ár nee Mariamu aayoorose. Kuri i tumbarara'aát kuri xirfayeemiís. Nee inooín ilahhooar'ín kari gweér kari haniís dír na/aay. Muruú taa hanimiís a kwí Miisli nee garka xarángw tsuú' koom qoomár barka daá/, nee mooyangwko ta babay manemane.

Matayo 2:11 Iomraidhean Croise

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

1 WAAWITÁ 10:10

Naagáy waawutmo guri talaántár tsiiru nee mibeeraá tsár i hanís, ar sahaábu, nee mooyángw yaariír ló'wa alé, nee tlaa/eedá' tlaxo urene. Iimír baalaadá' mooyángw adór kuduú waawuto'ór Sheba aa hanís, waawutmo Solomon gwaa baloó slayká malé ale.

1 WAAWITÁ 10:2

Ina dát Yerusalemúr i aleeró nee eeharuuseerós ar yaariir, nee angamiadaá mooyángw loohisá', nee sahaábuú yaariír, nee tlaa/aá tlaxo gawden. Iwa hardát dír Solomon tana axweés daanduú tidá' sleémeero ar baraá muunaáwós.

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 45:8

Tsiitaywók sleémeero i tlatláy mooyángw manemanero, nee oo udi nee oo xaa'aá mdalasiniro. Kuúng taa qwal/atís nee afór daa'ángw mariímba, ar baraá maraá waawutmo awa taa parootuús ar xareemaá daawe.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

WARA'AMI 72:15

Waawutmo i hooti, nee sahaábuú Sheba ku haniisi dirós, ku aleefiriirin nee muu umuúqo qoomaaro, nee ku tsuuqaá Mungú i slai deelo sleémeero.

WARA'AMI 95:6

Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

TI'INAANGW 30:23

«Muruuwí afhhamít taatahheek, mooyángw manemane kuduú ma'aay oo harqoomoó kílo lahhoó' nee xa'anoodá' ta bay dalasini oo mooyángw koóm oo kílo tám huwang, nee miíwa oo mooyángw koóm kílo tám huwang.

TI'INAANGW 30:34

AAKOÓ MUNGÚ Mose guri báy, «Qoomoó alqoóm oo muruuwí tsuú' slaweek, moqonjoó xa'anoó ta bay natafi, nee oo xa'anoó ta bay shekeleti nee oo xa'anoó ta bay kelbena nee mooyángw tsuú'.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

TLAHHOÓ LAÁWI 6:15

Kaahamusmoó wák tsa/oó wák oo puurú gun taataahh ilahhooár balángw wa alé dinkwa nee di/i, nee mooyángw tsuú', sleémeero gari daa/ gawaá kitángw ilahhooa, tawa inslaslaangw, slaahhareeriiwós AAKOÓ MUNGÚ nguri sla'atisiyá'.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

FAARO 7:14

Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

FAARO 7:86

Slooqi'iidá' taa tleéhh ar sahaábu a mibaá nee tsár, kudá' hatsá' mooyango, umuú slooqayhe iilooeemaawós a graámu tsiiruú wák nee mibaangw, ar qoomoó didá' hhoohhoo', sleémeero iilooeemaawo a kílo wák nee graámu tsiire tám nee mibeeri tsár.

Matayo 1:18

Xwaylár Yesu Kristo a adoorí: Maria aayór Yesu, Yosefu gana sa'axweés. Nee dír inooín tira duxuuti'iiká, naxés Maria kari tsaáhh tawa tsiiháy ar /uuruú Qeeruú hhoohhoó' oo Mungú.

Matayo 12:46

Qoomár iwa axweesi nee boo/aay, aayoorós nee hhaeewós naxés ta tsee/aá wa sihhimiit, ta axweesantá slaa' nee inós.

Matayo 14:33

Nee kudá' baraá miringamoó i diriiá', Yesu nguri i tumbarara'atiyé', tari oó', «Ar ló', kuúng a Garmoó Mungú.»

Matayo 2:10

Tsatsee/idá' kawa ár, tari qwalaá/ kángw kilá' wa ale.

Matayo 2:2

Iri ó', «Waawutmooduú múk Yahudi taa laqwaál i amá? Asma atén tsatsee/irós ana araán da/aáw wa ale. Nee atén nguna xirfayeemisuú awaán.»

Luka 2:16

Tari gaanslár tláy, Maria nee Yosefu kay didií áy, nee na/ayduú qawri kwaa qaatiís baraá miringamoó gitsór hikwa ki qamaamin.

Luka 2:38

Inós hamtidár kilae nina ti'ít, i Munguú sluufmís. Kángw na/aay guri ó' dír kudá' sleémeero awa harahhifor'ín ngaa qaasiye' gawaá ba/amár Yerusalemu.

Yohana 19:39

Nikodemu nee Yosefu tina alkoné'. Inós an kudá' aáng Yesu gwaa i daqay xweerá alé. Inós aleedoogír mooyángw manemane nee udi guna huúw, har qoomoó kílo mibeeri kooán.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

Geehhoeemaá 5:8

Qoomár kitaábuudá' nguwa taataáhh, muruudá' tsiyáhh oo slaáf nee bariiseedá' mibeeri tsár nee tsiyáhh tari tumbarara'aát dír geeraá Deelmoó bee/i. Umuúqo heewo baraine i marímbár úr kón, nee slooqa'aá sahaábu awa muruú mooyángw tsuú' koomá' oo ta da/a/an ilahhooár wa ale. Muruuwí mooyángw tsuú' koóm an firór múk hhohhó' oo Mungú.

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.