Matayo 19:7 - Biblía Axweesantá Hhohho' ar Mungú 2004

⁷ Nguri bayé', «Ala adór Mose hara'ayaarí ngira haniís a adoomá, tí hee hareerós ngiwa talaákárí haniisi, gari guus?»

Ya/abtór hho' 1977

⁷ Tari oó', “Ala Musa adór hara'ayaarí ngira haniís a idoomá, ar hee talaáka ngiwa haniisi dír hareerós, nee hareedá' gari guus?”

Matayo 19:7 Iomraidhean Croise

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

MALAKI 2:16

AAKOÓ MUNGÚ, Munguú múk Israeli i kaahi, «Asma aníng s a sla'aaká hee hareerós ar bi/i ngiwa huushi si'imawo. Aníng alsi'imuú adór kwí u aáhh, hee tumu wák hareerós ar bi/i ngiwa huushi si'imawo.»

Matayo 1:19

Yosefu, hhawaatuú Maria, a heé ganaá', nee gaa slaiiká ngiwa mureekeesi. Iri baraá muunaáwósí oó', «A qawtí máw.»

Matayo 19:6

Gawaá adoorihe inooín a sangw tsareeká, ala a wak. Múk Mungú aa haragaás, hee munguwa paraátl.»

Matayo 19:8

Yesu iri oó', «Mose ina ya/án /ameena kawa gusisiinda' as saga gawdeemaahúng, ala iimír iimu/uungo a adoosingeeká.

Matayo 5:31

«Adoorí sleeme kaa oó', ‹Hee bar hareerós gaa guús, ngi talaákár i haniisi.›

Marko 10:4

Tari oó', «Mose ina ya/án hee hareerós ngiwa talaákár i haniisi.»