Matayo 19:28 - Biblía Axweesantá Hhohho' ar Mungú 2004

²⁸ Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Ya/abtór hho' 1977

²⁸ Yesu giri báy, “Án a kah, kuungaásingá' aníng iga eehade', baraá yaamuudá' /aben, kudá' Garmoó Hee i iwiiti baraá kitangwduú xirfuuwós, kuungá' daqaní sleeme a iwitá' baraá kiteeriidá' mibá nee tsár, tlahhi'iidá' mibá nee tsár awa múk Israeli kiri sakwasleemutá'.

Matayo 19:28 Iomraidhean Croise

1 WAAWITÁ 18:31

Tlaa/aá mibaá nee tsár giri taataáhh, ar qoomoó faarór tlahh'aá mibaá nee tsár awa na/aá Yakobo, kudá' AAKOÓ MUNGÚ iwa oó', «Umuuwók a Israeli.»

2 QOM'I 9:19

Slaqsa'aá mibaá nee tsár awa direeri, kiri sihhtís dír umuúqo alhhe'eesoó tsa/a/amtooro. Kitángw adór kwí kwaa baloó tleehhiká baraá waawuti'imár qoomaadae.

ESRA 6:17

Inooín do'owí oo Mungú kuwa aldafin inooín ilahhooa awe tsiiruú wák kana haniís, gwaandaawe tsiire tsár, nee deeloó bee/aangw tsiire tsiyáhh as hingemisuú tlakweemaá múk Israeli sleémeero, nee gurtaawe mibaá nee tsár ar adoodá' faarór tlahh'aá xoorór Israeli i diri'iya'.

TI'INAANGW 15:27

Inooín tari hardáh dír ta bay Elimu, didae kutloó mibaá nee tsár i deer, nee slaanslár mibeeri faanqw. Xafay'ín nguri tleehhiyé' dír afaá ma'aydá'.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

TI'INAANGW 28:21

Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

ISAYA 65:17

«Ga/aawaak, dooraá /aben nee yaamaá /aben i tlehhiít, muruú aáng ku male inslayká, sleeme u iitleesaaká.

ISAYA 66:22

AAKOÓ MUNGÚ i kaahi, «Asma adoodá' dooraá /aben nee yaamaá /aben kudá' ni tleehh nir hotatina' dír geeraaeé' wa alé, an adoodá' xwaylarók nee umuuwoge ir kumamitiya' daqisleém.»

TLAHHOÓ LAÁWI 24:5

«Puuruú natsaatsaá' ku taatáhh oo kílór mibaá nee tsár, nee ku tléhh ar mikaátér mibaá nee tsár.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 19:27

Petro iri oó', «Qaytsiít, xáy atén mura' sleémeero ugwa geexawaán, kuúng uri eeharaán, gár atén ta slawaan a milá?»

Matayo 20:21

Yesu gari báy, «Gár ta sla' a milá?» Aayoodá' iri ó', «Na/iieé' kuká' tsár ya/aameek niwa iwiitiya' oo wák dakók oo doó /iyáy, kuqá' dakók oo doó basáy baraá waawuti'iimaroge.»

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Marko 10:37

Kuri báy, «Atén ti ya/aan tawa al iwiitaan nee kuúng baraá xirfuuwoge, heeko dakók oo doó /iyáy, kuqá' dakók oo doó basáy.»

Tlehhema'aá ya/Abuuse 3:21

Kristo Yesu an kudá' aa gawaá doorí kii/, ay dír qoomaadá' i xeer, ar mura' sleémeero kuwa /abeemií ki/isi, adoodá' Mungú ngira qaroó oó' ar loohír aaruuseerós ar hhohho'.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

YOSHUA 3:12

Gimsé' daxta, múk mibaá nee tsár, baraá tlahh'aá Israelír wa tsawaarare', umuúqo tlahhaywo hee wak.

2 Petro 3:13

Ala Mungú al'axweesani ngina dirén i haniís, ar dooraá /aben kiwa slawaan, nee yaamaá /aben. Baraadaádae gár dáw a gan'amu. Nee atén muruuwí un haraxuaán.

Geehhoeemaá 11:16

Bariiseedá' mibeeri tsár nee tsiyáhh, tidá' dír geeraá Mungú wa iwiiwiit baraá kiteeraá aleesleemuuwo, tari tumbarara'amiít dír geeraá Mungú, Mungú kuri sluufmiís,

Geehhoeemaá 12:1

Layár ur iri geehhouúr gawaá doorí wa ale. Layaarí a /ameenír taa tsiitiís ar tsee/amá, nee slahhaangw i baraá tsa/a'aá ya'aawós i dirii'. Nee gár gawaá sagós a slamángw tsatse/uú mibaá nee tsár.

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

Geehhoeemaá 21:5

Kudá' aa iwiit gawaá kitangwduú aleesleemu iri oó', «Ga/aaweek, aníng mura' sleémeero u /abeemií ki/ís.» Nee iri malé báy, «Gooimeek. Asma /aymi'iiká' a /ayma'aá ló' nee awa hariimá' haratlintaaooro.»

Geehhoeemaá 22:2

nee iri waaráhh ar baraá tla/ángw loohír gixsa. Nee dír afaá yaaeero, bihhaá bartaqá' nee bihhaá bartihe xa'anoó slafiingw i deer. Xa'anoowí i laqwalín sagaáwa mibaá nee tsár gawaá kurkú wake. Mamuuwós giri hamaareemiis umuúqo slahhaango. Nee loo/ór xa'anoowí múk xoordu gun hungu/uumís.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 4:4

Kitangwduú aleesleemu kiteeraá mibeeri tsár nee tsiyáhh awa hatlá' awa aleesleemu nguna harweeriyé'. Nee gawaá kiteeridá' mibeeri tsár nee tsiyahhe bariisér mibeeri tsár nee tsiyáhh gawaadá' wa iwiiwít. Inooín tlabaá /awak ngaa dahamiisiyé', nee gawaá sager'ine gár naa dahaasiyé' a slam'eeraá sahaábu.

Geehhoeemaá 7:4

Mukdá' taa layár i qamín aníng faaror'ín ana axamiís. Faaror'ín a múk kume tsiiruú wák nee mibeeraá tsiyáhh nee tsiyáhh oo taa layár i qamín baraá tlahhi'iidaá múk Israeliwo.