Matayo 19:27 - Biblía Axweesantá Hhohho' ar Mungú 2004

²⁷ Petro iri oó', «Qaytsiít, xáy atén mura' sleémeero ugwa geexawaán, kuúng uri eeharaán, gár atén ta slawaan a milá?»

Ya/abtór hho' 1977

²⁷ Petro iri oó', “Qaytsiít, atén mura' sleémeero ugwa geexawaán, kuúng uri eeharaán, daqaní gár atén ta slawaan a milá?”

Matayo 19:27 Iomraidhean Croise

Matayo 19:26

Yesu eeharuuse gari i qaytsiít gari báy, «Dír muko adoosíng i ya/aandaaká, ala dír Munguhe umuúqo gaaro i ya/aán.»

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Matayo 9:9

Yesu iri tláy didaádae. Qoomár tawa hi'iiti Yesu heeko guna ár, aa iwiít dír doó ohme. Umuuwós a Matayo. Yesu guri báy, «Án eeharáng.» Iri tláy, guri eehár.

Marko 10:28

Petro Yesu guri báy, «Ga/aaweegáy hamí, atén muruurén sleémeero ugwa geexawaán, kuúng uri eeharaán.»

Marko 2:14

Qoomár iwa waaraahhi, Laáwuú Alfayo guna ár, aa iwiít baraá doó ohmér koódi. Guri báy, «Eeharáng.» Laáwi iri tláy, guri eehár.

Luka 14:33

Gawaá adoorihe baraá tla/angwhunge heé eeharusmooeé' tleehhiít i kaahh, barnaxes muruuwós kudá' sleémeero i kon gwa geexayká.»

Luka 15:29

Ala baabuúwós guri báy, ‹Ga/aaweek, án kuúng una sagadiyumamiís kureeriiká' sleémeero, nee qoomár hara'ayaarók ngiwa waaqaá' i káhh. Ala tam deelmoó leei oo naa aní hanís i kaahh, niwa qwalaala/aan nee mulqer'eé'.

Luka 18:28

Petro iri oó', «Ga/aaweegáy, atén muruurén sleémeero ugwa geexawaán, kuúng uri eeharaán.»

Luka 5:11

Miringer'ín kawa dír afaá ma'áy duúx, umuúqo gaaro kay didií geexáy, inooín Yesu kway eehár.

1 Korinto 1:29

Adoorí gana tleéhh as hee mitiwa kilós xirfayeemiís dír geeraá Munguhe.

1 Korinto 4:7

Asma heé kuúng ugwa iia tleerees ta múk hatlae a heemá? Kuúng gár ta koon i deéro ar taa tawó sleeriiká dír Munguhe. Ala bar kuúng aga tawó sleér, ahaá ala, kuúng mas daara/aán adór heé gaa gaa tawó slayká?

DABE 33:9

Inooín xwaylitér'ín ngina geexayé' nee hhaeeín ngina gaárí xui'iiká, nee na/ii'ín ngaa gaárí xui'iiká, asma axweesantók ngina harmagaahhiyé', nee alqadoorók ngina amohhe'eemisiyé'.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,