Matayo 19:26 - Biblía Axweesantá Hhohho' ar Mungú 2004

²⁶ Yesu eeharuuse gari i qaytsiít gari báy, «Dír muko adoosíng i ya/aandaaká, ala dír Munguhe umuúqo gaaro i ya/aán.»

Ya/abtór hho' 1977

²⁶ Yesu eeharuuse gari i qaytsiít gari báy, “Dír muko adoosíng i ya/aandaaká, ala dír Munguhe umuúqo gaaro i ya/aán.”

Matayo 19:26 Iomraidhean Croise

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

1 WAAWITÁ 17:16

Puuruúdá' baraá hutlaywo aa faakiiká, laqaá di/tadá' baraá chupiito'oro aa fakká, ar adór axweesantadár AAKOÓ MUNGÚ Eliya aa oó'.

YOBU 42:2

«Aníng a xuú' adór kuúng umuú gaaro kar aleesleér, nee umuú gár taa tleehhár wa sla'a ka baqiiká.

WARA'AMI 3:8

Ba/ama dír ni dahh a amór AAKOÓ MUNGÚ, tsuuqaawók masók i gawaá mukók.

WARA'AMI 62:11

Wa'aá wake Mungú ina axweés, ki/imaá tsare tí ana axamiís, adór /uuru tar oo Mungú.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 32:27

«Ga/aaweek, aníng a AAKOÓ MUNGÚ, Munguú muu sleémeero, gár aníng ni harslaaqaat iqo deéro?

SEKARIA 8:6

AAKOÓ MUNGÚ Aleesleemusmo i kaahi, «Ala tí tam ka gawide dír ilaá mukwí aa meeti, dír ilaeene sleeme ka gáwde? AAKOÓ MUNGÚ Aleesleemusmo tí gan kah.

FAARO 11:23

AAKOÓ MUNGÚ Mose guri mu/aywaáts, «Ahaá aleesleemueé' aa /aarúyí? Gimáy daxta axweesante'eé' adór tar ló' laqaá lama a tsáhh.»

Matayo 19:25

Eeharuuse adoodá' ngiwa axás, iri waa/ó/ ló'wa ale, iri ó', «Barqo adoosíng ala heé ba/ám a heemá?»

Matayo 19:27

Petro iri oó', «Qaytsiít, xáy atén mura' sleémeero ugwa geexawaán, kuúng uri eeharaán, gár atén ta slawaan a milá?»

Marko 10:27

Yesu giri i qaytsiít iri oó', «Muu ga aleeslayká, ala dír Munguhe a adoosingeeká, asma dír Munguhe umuúqo gaaro i ya/aán.»

Luka 1:37

Asma dír Munguhe gár ya/aamaaká i káhh.»

Luka 18:27

Yesu iri oó', «Tidaádá' dír muko ya/aamaaká, dír Munguhe i ya/aán.»

Ebrania 6:6

Aluuwo baraá haratlintaaor'ine tari alií kií/. I ya/aandaaká múk adoosíng kuwa ki/isi baraá hhu'u'úngw i alé, asma inooín Garmoó Mungú ku malé kiki'ín gawaá msalaába ar fahhari, nee ku geeraá múk wa mureekeemiis.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»