Matayo 19:17 - Biblía Axweesantá Hhohho' ar Mungú 2004

¹⁷ Yesu iri oó', «Asma milá mas hhooeemaá yaahamís dir'eé'. Oo hhoó' a wak. Kuúng bar dahmaá slá' baraá slafiingw, hara'aya na ooheek.»

Ya/abtór hho' 1977

¹⁷ Yesu iri oó', “Asma milá mas iidíguú hhooeemaá yaahamís dir'eé'. Oo hhoó' a wak. Kuúng bar dahmaá slá' baraá slafiingw, hara'aya na ooheek.”

Matayo 19:17 Iomraidhean Croise

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

WARA'AMI 119:68

Kuúng tu hhoó', nee tu gurhhoó', intsaahhatisáng kaahiroge.

WARA'AMI 52:1

Ee kawa xu', kuúng a adór migusmoówoóke, ala misti xirfayeemís as tlakweemaawók? Sla'aarír Mungú ar warqawaaká i daadeer deelo sleémeero.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

TLAHHOÓ LAÁWI 18:5

Gawaá adoorihe daber'eé' na oohaak nee kaahir'eene as tawa hota'. Aníng an AAKOÓ MUNGÚ.

Rumi 10:5

Asma Mose ina gooín daanduú gan'amuudá' ta slaslay ar hara'aya kawa eeharahari, iri oó', «Heé adoodá' hara'aya i kat ga tlehhiít, inós i hoot ar adoodá'.»

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

1 Yohana 4:16

Atén adór Mungú tira slaá', aga tsaahhaán, nee sla'aarirós kari haratlintiaán. Mungú a sla'aari. Kudá' baraá sla'aarír wa hoót, in baraá Mungú, nee Mungú i baraawós.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.