Matayo 18:9 - Biblía Axweesantá Hhohho' ar Mungú 2004

⁹ Barnaxes iltók kuúng u baraá tlakweemií gee/asliín, tu/eek, amór saaw ti kwahh. A tsiní slafiingw kuwa sleer tawa heé ila wák, ta tawa ilaawók koonda tsaraawo, turi kwaahh baraá asltá baloó gwaa'aaká.»

Ya/abtór hho' 1977

⁹ Nee iltók bar kuúng u paslimís baraá loohír ganaa'a, tu/eek, kwahheek amór saáw i alé. A tsiní slafiingw kuwa sleer tawa heé ila wák, ta tuwa kwahhi baraá asltí alé tawa ilaawók koon tsaraawo.”

Matayo 18:9 Iomraidhean Croise

Matayo 16:26

Ala tam hee yaamu sleémeero ngi slaya, gár nguwa buiya' a milá, bar slafiingós aa qwaár? Laqaá hee gár i duuxi a umós ar slafiingós ngur ki/isi?

Matayo 18:8

«Bar dakók kuúng u baraá tlakweemií gee/aslín, laqaá yaaeerók, tsateek, amór saaw ti kwahh. A tsiní slafiingw kuwa sleer dakók tawa wak, laqaá yaae, ta tawa dabaá koonda, laqaá ya'a', turi kwaahh baraá asltá baloó gwaa'aaká.

Matayo 19:17

Yesu iri oó', «Asma milá mas hhooeemaá yaahamís dir'eé'. Oo hhoó' a wak. Kuúng bar dahmaá slá' baraá slafiingw, hara'aya na ooheek.»

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Matayo 5:29

Bar iltók ar doó /iyáy kuúng u baraá tlakweemií dahamís, tu/eek, ka kwáhh amór saáw i alé. A tsiní dír wák ar slaqwtók iwa qwat, ta slaqwtók sleémeero kawa kwahhi baraá asltá baloó gwaa'aaká.

Marko 9:47

Barnaxes iltók kuúng u baraá tlakweemií gee/asliín, tu/eek ka kwáhh. A tsiní tawa dat baraá waawuti'iimár Mungú tawa heé ila wák, ta tuwa kwahhi baraá ásltí alé tawa ilaawók koon tsaraawo.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Ebrania 4:11

Ala atén gár tiwa hariím a ilakaaharu un tleehhaán tawa dahaan baraá hungu/umaadá', nee umuúqo heewo dahmaá baraá hungu/umaadá' mingiwa dakuús as dee/aanu, adoodá' inooín tara dee/aanuút.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.