Matayo 18:31 - Biblía Axweesantá Hhohho' ar Mungú 2004

³¹ Lawaalér hatlá' kaangwí nguwa aán, tari ló'wa gurhaamuút, kaangwí sleémeero kway ooár áy dír daqaarmooín kudá'.

Ya/abtór hho' 1977

³¹ Lawaaleedár hatlá' kaangwí nguwa aán, tari ló'wa gurhaamuút, kaangwí sleémeero kway ooár áy dír daqaarmooín kudá'.

Matayo 18:31 Iomraidhean Croise

IIMU/UUNGW 37:2

Adoorí an alki/ituú xwaylár Yakobo. Qoomár Yosefu kureeriiwós tawa mibaá nee faanqw, inós i bee/ángw deaaén nee hhaeewós. Yosefu tawa masoomoó kureeraá mibaá nee faanqw nin aldeaená' nee daaqoó Bilha nee Silpa, tlaawoó baabuúwós. Yosefu muruudá' tlákw hhaeewós i axweemaamisiya' nee i tlehhaahhitiya', gun dír baabuúwósí alki/a/iit.

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 119:158

Múk kuúng u haratlintatiaaká bura ár u ló'wa sla'aaká, asma hara'ayarók ngaa oohi'iiká.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

Matayo 14:9

Waawutmo Herode iri gurhaamuút, ala as lo'odá' aa huúw, nee as mukdá' didá' wa /ayiima, hara'aya gari haniís saga kuwa haniisi.

Matayo 18:28

«Ala lawaalmoodá' iwa didá' wa tláy, lawaalmooko nee inós al gadiyumamiisá' guri ár, oo iinaarós koóm ar shiliíngi tsiiruú wák. Guri óh, guri tsaweér, guri báy, ‹Iinar'eé' ay dír ngi bu' laarí.›

Matayo 18:30

Ala inós kangwdá' gwa ya/aniká, guri tseegár áy, ay dír iinaadá' ngi bui.

Matayo 18:32

Daqaarmo lawaalmoodá' aáng aa gurtláy, guri ateét guri báy, ‹Kuúng a lawaalmoó tlaákw. Án kuúng iwa harhheehhe'és iinar'eé' sleémeero ar ta koon ana gurtláw.

Marko 3:5

Iri gurhaamuút asma gawdeemaá muner'ín, giri ilií duxún bihhe sleémeero ar buhhta, heedaádá' guri báy, «Dakók gan'aaseek.» Heedaádá' dakós guri gan'aás, dakós iri hunguú/.

Luka 14:21

«Lawaalmoodá' iri kií/, kaangwí guri oó' dír aakoowós. Aakooduú do' loó' adoodá' ngiwa axaás, iri ló' wa buúhh, lawaalmoowós guri báy, ‹Tláw ar gaanslaay baraá luhuudaá uren awa baraá gixsa, nee baraá tsirxadaá gixsa, narkuute huwang nee taqooraay nee taampu nee múk tiqtír sol'omit.›

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

2 korinto 11:21

Aníng adoorí an káh ar mure, asma atén qoomár tawa amorhúng i diriiaan, adoorí tlehharo aga qiitlaniiká. Aníng daxta an oo' adór daktantá wa ale, hee bir deer oo qiítl oo ti kilós xirfayeemiís gawaá umuúqo gaaro, aníng sleeme a qiítl tiwa xirfayees.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.