Matayo 18:27 - Biblía Axweesantá Hhohho' ar Mungú 2004

²⁷ Daqaarmoodá' guruuwós iri tláy, lawaalmoodá' guri gweér, iinaadá' gari gurtláy.

Ya/abtór hho' 1977

²⁷ Heeduú daqaarmo guruuwós iri tláy, lawaalmoodá' guri gweér, guri gurtláy iinaadae.

Matayo 18:27 Iomraidhean Croise

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

WARA'AMI 145:8

AAKOÓ MUNGÚ ku gurhhoó' nee i gurtleemuú kón. Muneero ku inslahheeká, inós in haats sla'aarír warqawaakahe.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

Matayo 18:28

«Ala lawaalmoodá' iwa didá' wa tláy, lawaalmooko nee inós al gadiyumamiisá' guri ár, oo iinaarós koóm ar shiliíngi tsiiruú wák. Guri óh, guri tsaweér, guri báy, ‹Iinar'eé' ay dír ngi bu' laarí.›

Matayo 18:32

Daqaarmo lawaalmoodá' aáng aa gurtláy, guri ateét guri báy, ‹Kuúng a lawaalmoó tlaákw. Án kuúng iwa harhheehhe'és iinar'eé' sleémeero ar ta koon ana gurtláw.

Luka 7:42

Inooín sleémeero bu'utuwo kuwa harslaaqaát, tsaraawo giri gurtláy. Xáy baraá mukwí tsare heé inós gu ak slaá' a heemá?»

Luka 7:43

Simon iri oó', «Án ngi slaá' a kudá' taa peésár úr wa gurtláy.» Guri báy, «Adoosíng taa ó' i ganá'.»

HAR'OHUUSE 10:16

Múk Israeli munguiidaá /eetuuse kiri kwaáhh, AAKOÓ MUNGÚ nguri sagadiyuusiyé'. AAKOÓ MUNGÚ muunaáwós iri gurhamuút as slahh'amuú múk Israeli.