Matayo 18:24 - Biblía Axweesantá Hhohho' ar Mungú 2004

²⁴ Qoomár Faaro ngiwa iimu/ún, kuna heekwií huúw oo ta shiliingír kumér kúm iinuusi.

Ya/abtór hho' 1977

²⁴ Faaro ngiwa iimu/ún, kuna heekó i huúw oo ta shilingír kumér kúm i iinuusi.

Matayo 18:24 Iomraidhean Croise

IIMU/UUNGW 44:10

Sageesihhtusmoodá' iri oó', «A qoón, a adoosíng kuungá' kara oé', heé taa ár oo ga koóm in lawaalmooeé' tleehhiit, nee kuungá' hatlá' a xaslxaanslír koonda'aaká.»

1 QOM'I 29:7

Muruú taa haniís as gadiyér doó Mungú a gunyadaá sahaábu awa kumuú wák nee tsiire tsiyáhh, nee muqslár sirda/aten a guniyadu kume lahhoó' nee tsiire tsár, muqsla a guniyadu kume mibeeri tám nee tsiyáhh.

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

WARA'AMI 38:4

Tlakweemaaeé' naa tlahhiyé', iri harahuiyé' adór alwuór ma'aay. Ina al iilouyé' adór huwár gagaararo ni aleeslawaaká.

WARA'AMI 40:12

Asma tlakwér faarooro ta aleeslayká aníng iga harwét, tlakweemaaeé' iga nagwaahhiyé', tam gár ni ar i káhh. Tlakweemaeé' naa ló'wa tlahhiyé', se'éngw sagw'eé' ba/a, /uuruú nir kumiit i kaahh.

Matayo 18:23

Gawaá adoorihe waawuti'iimár doori a slaqamís nee waawutmooko wák oo faarór muruuwós gaa slaa' dír lawaaleerós.

Matayo 18:25

Heewí gár daqaarmoowós ngur bui iwa kahh, daqaarmo iri oó', ‹Inós weerisaak, nee hareerose nee na/iiwo nee umuúqo gár i kona, as iinaadá' kawa bui.›

Matayo 25:15

Gari qasmiís ar harqoomoó umuúqo heewo i aleesláy. Oo wák guri talaántár kooán i haniís, oo tsár guri talaántár tsár i haniís, nee oo tám guri talaántár wák i haniís, iri aa'aá káy.

Matayo 25:16

Kudá' taa talaántár kooán i haniís, iri tláy siiwadár kilae, gari ar halaanuús, talaántár hatlá' kooán gari sláy.

Matayo 25:20

Kuduú talaántár kooán gaa slay niri hardáh, talaántár kooán ar hatlá' ngiri huúw, iri oó', ‹Aáko, kuúng talaántár kooán ngina hanís. Qaytsiít, talaántár hatlá' kooán ngaa sláw baraá halaanu'uumaro.›

Matayo 25:22

«Kudaáduú talaántár tsár gaa slay niri hardáh, iri oó', ‹Aáko, kuúng talaántár tsár ngina dir'eéní hanís. Qaytsiít, talaántár hatlá' tsár ngaa sláw baraá halaanu'uumaro.›

Matayo 25:24

«Aluuwo kuduú talaántár wák gaa slay niri hardáh sleeme, iri oó', ‹Aáko, án kuúng u xuú' adór tar /akusmo. A bu'uún didaádá' gár taa dahás iwa kahh, nee an burumburiín didaádá' gár taa intlát iwa kahh.

Luka 13:4

Laqaá mukdá' mibaá nee dakaát, kudá' doó gáwtí tleér aa i huú', giri tsuú/, dír Siloamuwo, kuungá' ka xua', mukdá' an ak múk tlákwe ta kuduú hatlá' sleémeero oo Yerusalemúrí diriia?

Luka 16:5

«Aluuwo iinuusér daqaarmoowós gana ateét. Iri oó' dír kuduú geera, ‹Gár aakooeé' uwa iinuusi a milá?›

Luka 16:7

Oo hatlá' guri báy, ‹Kuúng gár tuwa iinuusi?› Iri oó' katatoó tsiiru oo angaáno. Guri báy, ‹Slambaree/irók taataahheek, mibeeraá dakaát gooimeek.›