Matayo 18:19 - Biblía Axweesantá Hhohho' ar Mungú 2004

¹⁹ «Slám án a kah barnaxes múk tsár baraá tla/angwhunge taa al'axweés baraakaá yaamuwo baraá umuúqo gár ta firina, kingi haniis nee Baabuúeé' kuduú gawaá doori.

Ya/abtór hho' 1977

¹⁹ “Slám án a kah gídaabá, múk tsár baraaká' yaamuuwo bar taa al'axweés baraá umuúqo gár ta firina', ka haniis nee Baabuúeé' kuduú gawaá doori.

Matayo 18:19 Iomraidhean Croise

Matayo 21:22

Slám umuúqo gár ta firiinda'a baraá firorhunge, bar aga haratlintié', a sleerá'.»

Matayo 5:24

ilahhooarók ala geexaweek dír geeraá meésár Aako, daqaní ta daqeér dír hhiyaawók, ti ala axweesani axase', daqaní ta kí/, ilahhooarók ka hanís.

Matayo 7:7

«Firiiriimé', kuungá' tundu qáy, leelehhiitaak kuungá' a sleerá', ateetimé' afkú dó' wa ale, piindo ka qo duux.

Marko 11:24

Gawaá adoorihe nun baw, umuúqo gaaro ar ta fiririinda' baraá saalingwhunge, haratlintiaak adór kara sleeré', nee a toohúng.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Yohana 16:23

«Slám baldá' gár iwa yaahasa' i káhh. Ar ló' án a kah, Baabá bura firiindé' umuúqo gaaro, inós ngi haniis ar umuueé'.

Tlehhema'aá ya/Abuuse 1:14

Mukwí sleémeero ina hoót ar muunuú wák baraá firooro, dinkwa nee /ameena sleeme, nee Maria aayór Yesu, nee hha'aá Yesu.

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Tlehhema'aá ya/Abuuse 16:10

Paulo iigu'utudá' arto nguwa hhe'eés, hamtidár kilae tleemuú Makedonia kuri sla'aán, asma aga tsaahhaán ar ló' Mungú atén taa ateét, as Ya/abtór hho' kawa dir'íní alki/ituú awaan.

Tlehhema'aá ya/Abuuse 6:4

Atén tari kumiitaán gadiyér firooro nee alki/ituú axweesantá Munguhe.»

Filipi 1:19

asma aníng a xuú' alhhe'eesaywo án ti gweer, as án kuungá' iwa aleefiriiriinda' nee as Qeeruú Yesu Kristo aníng iwa alee/iimisi.

1 Yohana 3:22

Nee umuúqo gár ta dirós i firiimana a slawaán, asma hara'ayaarós kawa eeharaharaan, nee adoodá' inós i slai kawa tlehhiitaan.