Matayo 18:17 - Biblía Axweesantá Hhohho' ar Mungú 2004

¹⁷ Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Ya/abtór hho' 1977

¹⁷ Nee inooín barnaxes gaa malé iiár i qaasiiká, haratlintaauuse xu'utiseek. Nee haratlintaauuse barnaxes gaa malé iiár i qaasiiká, heé adoosíng diroge masók a adór heé xoordaá hatlá' nee heé ohomér ohaahiím.”

Matayo 18:17 Iomraidhean Croise

ESRA 6:21

Deelmooduú Pasaáka kuri /aáy nee muu sleémeero oo Israeli kudá' naa baraá looháy wa waatl, dinkwa nee umuúqo heewo oo taa paraatl dír múk slasla/aruú xoordaá yaamuudae tay haragwaá' dír múk Israeli as AAKOÓ MUNGÚ, Munguú Israeli kuwa sluufmiisi.

ESEKIELI 11:12

Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»

Matayo 10:3

nee Filipo nee Bartolomayo, nee Tomas, nee Matayo, kuduú ohomusmoó koódi, nee Yakobó Alfayo, nee Tadayo,

Matayo 11:19

Garmoó Hee nina hardáh i /ayín nee i wahán, tari oó', ‹Kwí a hheehhusmo, nee xuufiitusmo, mulqumoó ohomuusér koódi nee múk tlakuuse.› Ala sagalooár Mungú adór tar ló' kingina laqán nee tlehhemi'iiwós.»

Matayo 5:46

Asma bar kuungá' múk ta sla'a' a kudá' kuungá' nu slaá' gár kuungá' ta sleera' a umós? Tam mukduú ohmér ohahiím adoosíng ga tlehhaahhítiíke?

Matayo 6:7

«Kuungá' bar Munguú firiiriindá', /ayma'aá yaariir mir firiiriimaara' adór múk xoordaá hatlá'. Asma inooín ngi xuiya' ki iiárií qaas nee Mungú asma /aymi'ii'ín kudá' yaariir.

Luka 15:1

Ohomuusér koódi sleémeero nee tlakuuse Yesu kuna i daqáy as kuwa iiárií qaasi.

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

1 Korinto 5:9

Baraá barwito'or'eé' tidá' naa amorhúngií gooimi nuna báw, kuungá' ma al dinku'uumisaara' nee fuquuse.

1 Korinto 6:1

Baraá tla/angwhunge heé wák barnaxes i kwasleemár kón nee heé hatlá', adór ir qiitli kwasleemadá' ngiwa huwi dír geeraá múk hota gana'aaká. Gár geeraawo hariim a gan huuw dír geeraá múk hhohhó' oo Mungú.

2 Tesalonike 3:6

Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

YOSHUA 22:15

Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',