Matayo 18:12 - Biblía Axweesantá Hhohho' ar Mungú 2004

¹² «Xáy, barnaxes hee bee/ángw tsiiru gu kón, nee bee/ír wák iri qwát, bee/angwdá' mibeeri gwaleél nee gwaleél gu geexaykáhe gawaá tlooma, iri tláy as bee/idá' aa qwat ngiwa leelehhtuú ay?

Ya/abtór hho' 1977

¹² “Xáy, hee barnaxes bee/ángw tsiiru gu kón, nee bee/ír wák iri qwát, bee/angwdá' mibeeri gwaleél nee gwaleél gu geexaykáhe, iri tláy gawaá tlooma as bee/idá' aa qwat ngiwa leelehhituú ay?

Matayo 18:12 Iomraidhean Croise

1 WAAWITÁ 21:17

Naagáy aarusmo Eliya, heé Tishbe, axweesantá AAKOÓ MUNGÚ gari axaás, i kat,

WARA'AMI 119:176

A tonganuús adór bee/ír aa qwat, leeleehháng anuú sagadiyusmoowók, asma hara'ayarók aga gunqaareesiiká.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

ESEKIELI 34:12

Adoodá' de'eemusmo bee/aangós kudá' aa diyaya/aat ngur leelehhaahhiti, an adoodá' aníng bee/angw'eé' ngur leelehhiit. Un haraaki/ís umuú dír iqo diyaa/ati, bál huunkáy nee ma/amír a kiqiti.

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 34:28

Inooín ki baloó slakaatiiká nee xoorór hatlá', laqaá tawa /aymár makaá sla/a. Inooín in hootiyá' ar saxareemo, nee heé gi baloó dae tsaát i kaahh.

ESEKIELI 34:4

Kudá' liitlakwén uga /uurií qaasiiká, nee oo tiíq ugwa maasáy hanisi'iiká, kudá' aa qeqtin ugwa tlaawindi'iiká, kudá' tawo hi'iimiít iga haraki/isiiká, nee kudá' aa qwaqwadin ugwa leelehhtuú eeri'iiká. Ala kuungá' una de'eendé' ar /uuru nee ar xarasleema.

ESEKIELI 34:6

Bee/angw'eé' iri diya/aát iri tawo hi'iimiít gawaá tlom'i wa alé nee gawaá tlom'aá tlet, iri tsiyayaáx baraá yaamu sleémeero, nee heé gwaa gaárí xuu' gway leelehhtuú áy i kaahh.›

Matayo 12:11

Yesu giri báy, «Dirhunge hee a heemá oo bee/irós ar wák aa /et baraá bohóngw i aleeró, oo ga máw duuxaro as tawa deelór Sabaáto.

Matayo 18:13

Barnaxes ngaa sláy, án a kah, bee/idá' ga saqwalaalaa/ ta bee/angwdá' mibeeri gwaleél nee gwaleele oo aa qwaariiká.

Matayo 21:28

«Kuungá' ma katá' daanduú kaangwihe? Heeko wák daaqoó tsár gu kón. Garmoó úr guri i daqáy, guri báy, ‹Garmaaeé', tláw laarí gadiyeé aweek baraá qaymór sabiíbu.›

Matayo 22:42

«Kuungá' ka ga/eera', Kristo a garmoó heemá?» Kuri báy, «A Garmoó Daudi.»

1 Korinto 10:15

Aníng an dirhúngií axweés tawa adór múk fuqurángw koóm. Axweesantí án ni axwees, kuungá' aldakuutaak.

1 Petro 2:25

Kuungá' aáng a adór bee/ángw aa qwaar, ala hám daxta naa ki/é' amór de'eemusmo nee xuumusmoó munerhúng.