Matayo 18:11 - Biblía Axweesantá Hhohho' ar Mungú 2004

¹¹ Asma Garmoó Hee nina hardáh as tidá' aa qwat ngiwa ba/amisi.]

Ya/abtór hho' 1977

¹¹ Asma Garmoó Hee nina hardáh as tidá' aa qwat ngiwa ba/amisi.]

Matayo 18:11 Iomraidhean Croise

Matayo 10:6

Ala tlawsé' amór múk Israeli, kudá' aa adór bee/ángw wa qwaar.

Matayo 15:24

Yesu giri báy, «Aníng dír ti ya/aáw a dír múk Israeli kilós, kudá' aa adór bee/ángw wa qwaar.»

Matayo 18:12

«Xáy, barnaxes hee bee/ángw tsiiru gu kón, nee bee/ír wák iri qwát, bee/angwdá' mibeeri gwaleél nee gwaleél gu geexaykáhe gawaá tlooma, iri tláy as bee/idá' aa qwat ngiwa leelehhtuú ay?

Matayo 9:12

Yesu axweesanay'ín kudá' nguwa axaás giri báy, «Múk slaqo hhó' i qwaslaarmoó leelehhiitiiká, aqo har tiqtuuse.

Luka 15:24

Asma garmaaeé' kwí geeraawo aa gwaá', nee hám naa waasleé/, geeraawo aa qwaár, daxta ugwa slawaán.› Bara/ kuri iimu/ún.

Luka 15:32

Ala tawa qwalaala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.› »

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Luka 9:56

Asma Garmoó Hee naa hardihiiká as muu nguwa qwaareesi, ala nina hardáh as nguwa ba/amisi.»] Tari tláy, tari quútl amór hatlá'.

Yohana 10:10

Fisusmo gár nis hardihi a fiiso nee tsu/uta nee hhita. Án nina hardáh as slafiingw nguwa slaya', nee slafingwdá' iri kumamiit.

Yohana 12:47

Hee bar axweesanay'eé' gwa axaás, ala gwa oohiiká, aníng u sakwasleemuutaaká. Asma aníng naa hardihiiká as muu nguwa sakwasleemuut, gár nisa hardáh a muu nguwa ba/amis.

Yohana 3:17

Asma Mungú Garma ngwa ya/aawiiká as muu nguwa sakwasleemuuti, ala as muu nguwa ba/amisi.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.