Matayo 18:10 - Biblía Axweesantá Hhohho' ar Mungú 2004

¹⁰ «Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Ya/abtór hho' 1977

¹⁰ “Ti harmagahhe', tam oo wák mu waaqa'ara' baraá kuká' ninakwe. Asma án a kah, malayker'ín umuú deelooro gawaá dooriiwo i dír geerá Baabuúeé' dirí', kuduú gawaá doori. [

Matayo 18:10 Iomraidhean Croise

2 SAMUELI 14:28

Absalomu ina Yerusalemúr wa hoót kureeraá ád koomá' tsár, ala tam gitsee/aá waawutmo Daudi gaa ariiká.

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

ESTA 1:14

Bihhawose Karshena aa iwiít nee Shetari, nee Admata, nee Tarshishi, nee Meresi, nee Marsena, nee Memukani, geeraharuuse faanqw ar múk Persia nee oo Media, kudá' gitsa/aá waawutmo nga ariye', a múk urén baraá waawuti'iimarose. Giri yaahaás,

WARA'AMI 15:4

Heewí tlakuuse gan waaqaqaa', nee múk AAKOÓ MUNGÚ slaá' gun ilaiwawaa/. Gár aa al'axweesantá wa qaás ga warqeesiiká tam bir aleemaá huwahúp dirose.

WARA'AMI 17:15

Ala aníng kuúng u ár, asma gár naa dakuús i káhh. Qoomár binda tláw an haáts qwal/uwo, asma a dinkwa nee kuúng.

WARA'AMI 34:7

Malaykamoó AAKOÓ MUNGÚ mukdá' AAKOÓ MUNGÚ gu ilaiwawaá/, gun harweer ar slumtós as nguwa xun guri ba/amis.

WARA'AMI 91:11

Asma malaykeerós ngi amoorók i ya/aaw, u xuun baraá lohuuwók sleémeero.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

SEKARIA 4:10

Asma heé gadiyér ninakw gaa waaqaa' gu qwal/ás, inooín Serubabeli ku ar iwa Doó Munguú tleehhi, tari qwalaa/. Tsaa'asoorí faanqw a ilaá AAKOÓ MUNGÚ awa xumiisá' umuú diiro baraá yaamu sleémeero.

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 12:20

Daaír aa qwaambit ga geeqayká, slám taámbír quu' ga gaasiiká, ay dír kwasleemár ganaa' tidá' inós i huwi i baaliin.

Matayo 18:14

Sleeme tam Baabuúhúng kudá' gawaá doorí dirií', ga slaiiká tam heé wák iwa qwaari baraá kuká' ninakwe.»

Matayo 18:6

«Ala heé na/oó wák baraá na/iiká' ninakwe, kuká' án iga haratlinti'ii'i, gwa baraá tlakweemií gee/aasl, gár kus hhoó' a tlaa/ár ur ar xoosliingw kan gawaá istós i tseek, kway /aytiis baraá iltá tlawi.

Matayo 2:13

alaá xu'utuuseedár tsatse/ iwa tleér, malaykamoó Aako iri hardáh dír Yosefu ar baraá tlata, iri oó', «Tláw na/aay nee aayooro ar guweek ay baraá yaamaá Misri, amoodá' wa hootaak ay dír án kuúng uy ateet. Asma Herode i na/oó leelehhiit as nguwa gaasi.»

Matayo 2:19

Herode iwa gwaá', malaykamoó Aako iri hardáh baraá Misri dír Yosefu ar baraá tlata, iri oó',

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Luka 1:19

Malaykamo iri oó', «Án a Gabrieli, kudá' geeraá Mungú i dirií'. Nee aníng tina ya/aáw nee kuúng niwa axweesaan, nee ya/abtoorí hho' ngiwa dirógií oo'.

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Luka 16:22

«Narkutmoodá' iri gwaá', malayke guri húp ay dír geeraá Abrahamu. Daqaarmoodá' iri gwaá' sleeme, kway foól.

Tlehhema'aá ya/Abuuse 10:3

Looarka wake qoomár looár gwaleél ar tlaatla/aangw iigu'utu guna ár. Malaykamoó Mungú guna i daqáy, guri báy, «Kornelío.»

Tlehhema'aá ya/Abuuse 12:15

Kari báy, «Aga slarhhamút.» Ala inós axweesanto iri kumít iri kát, «Tí ar ló'.» Tari oó', «Gaasíng a malaykamoowós.»

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

Tlehhema'aá ya/Abuuse 27:23

Asma xweeraaká' laarí malaykamoó Munguúdá' aníng naa haratlintií', slám ni sluufmiis, nina bihhieé' i sihhiít,

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

Rumi 14:10

Ahaá ala, kuúng mas hhiyaawók sakwasleemút? Nee kuúng mas hhiyaawók waaqaqá'? Asma atén sleémeero a sihhiitaán dír geeraá kitángw Mungú kuduú sakwasleema.

Rumi 14:21

Gawaá adoorihe a tsiní fu'unaay bira meér /aymaaro, laqaá difaái bara meér wahaango, laqaá umuúqo gaaro ar hhiyaawók gu dukuutsmoó i huwaahuuw.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

1 Korinto 11:22

Ahaá, kuungá' maraay i koonda'akáhe awa tawa /ayiinda' nee tawa wahaanda'? Laqaá a múk Mungú un waaqaqa'á'a, tam múk liitlakuuse kuri mureekeemisá'. Án gár kuungá' nu baw a milá? Nun xirfayeésa? Aasla'áy, nu xirfayeesaaká daanduú kaangwihe.

1 Korinto 16:11

Gawaá adoorihe hee tumu wák inós munguwa waaqaá'. Alee/iisaak iwa kumiiti baraá aaiiwose ar wayda, as niwa hardihi amor'eé' ale. Asma aníng nee hhae inós un daamaaramaán.

1 Korinto 9:22

Dír mukdá' haratlintaao tununu/a, aníng tina adór inooín laáq, as mukdá' haratlintaao tununuú/ nguwa slaw. Gawaá adoorihe aníng dír umuúqo heewo tina adór inós laáq as umuúqo loohi ngiwa leelehhiit ar muu bahh'alé nguwa ba/amis.

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

2 korinto 10:10

Asma kuungá' daqtakaaro a kata', «Paulo baraá barwaduuwose a heé xaraásl nee oo /uuruú koóm. Ala inós bar i dinkwa nee atén, inós a heé da'ayusmo, nee slám axweesantós gár i koon i káhh.»

Galatia 6:1

Hhaee'eé', hee bira huú' baraá tlakweemakaarí alé, kuungaásingá' awa Qeeru heé adoodá' gan'aasaak ar tsatsa'aareema. Ala kuungá' kilá' ti harmagahhe', kuungá' sleeme mutunduwa iiara'ár.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhohhoaari.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

Geehhoeemaá 8:2

Aníng malaykeedá' faanqw, tidá' sihhimiit geeraá Mungú wa ale ngiri ár. Malaykeedá' kari tarumbeétadaá faánqw i haniís.