Matayo 17:5 - Biblía Axweesantá Hhohho' ar Mungú 2004

⁵ Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Ya/abtór hho' 1977

⁵ Qoomár tawa axweesi, hunkír /awaak gina mahhtír i tléhh. Afoo nina baraá hunkidá' wa ilawáts i kat, “Kwí a Garmaaeé', sla'aarusmooeé' oo aníng iga qwal/atis. Inós iiár i qaasaak.”

Matayo 17:5 Iomraidhean Croise

YOBU 38:1

Aluuwo AAKOÓ MUNGÚ Yobu guri mu/aywaáts ar baraá bambaao, iri oó',

WARA'AMI 81:7

Qoomár slahh'amaayeero ina atét, uri ba/amís, una mu/aywaáts baraá lu/aaroó mankarto, una iiár dír ma'aá Meribár wa ale.

TI'INAANGW 19:19

Afoodár tarumbeéta iwa ak ló'wa tláhh, Mose iri axweés amór Mungú, Mungú Mose guri mu/aywaáts ar baraá kwarara/a.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 42:21

AAKOÓ MUNGÚ ina qwalaá/ as daanduú gana'aamuuwós, dabeerós gana iiatleereés nee gana xirfayeés.

Matayo 12:18

«Ga/aaweek, sagadiyusmooeé' kudá' naa tsawaár a sla'aarusmooeé' kudá' muunaáeé' gwa qwal/atis. Qeeruueé' u dirós i haniís. Inós kwasleemár ganaa' ga alki/iit dír xoordu sleémeero.

Matayo 17:6

Eeharuuse afoodá' ngiwa axás, iri ló'wa da'ayút, iri yaamií slar/amít.

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Marko 1:11

Afo nay gawaá doorí wa ilawáts, i kat, «Kuúng a Garmaaeé', sla'aarusmooeé', oo aníng iga qwal/atis.»

Marko 9:7

Naxés huunki nina ti'ít, giri geehhantés, afo nay baraá huunkidá' wa ilawáts i kat, «Kwí a Garmaaeé', sla'aarusmooeé', inós iiárií qaasaak.»

Luka 3:22

Qeeruú hhoohhoó' oo Mungú nay aweér gawaawós i alé ar slaqsoó slaqwa adór hhooki, afo nay gawaá doorí wa ilawáts, i kat, «Kuúng a Garmaaeé', sla'aarusmooeé' aníng iga ló'wa qwal/atís.»

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 3:35

Baabá Garma gu slaa'. Inós mura' sleémeero gwa dabaá Garmií qaás.

Yohana 5:37

Slám Baabuúdá' aníng iga ya/aaw, aníng iga lamabu'ún. Kuungá' afoorós ar kilá' qoomár kawa axasé' i káhh, slám slaqsaywós ugwa aandi'iiká.

Tlehhema'aá ya/Abuuse 1:9

Axweesanaywí ooaro nguwa hhe'eés, qoomár inooín kuwa ga/ay, inós kurir gáwtí tláy, huunki guri ilaaót dír ilaaín wa ale.

Tlehhema'aá ya/Abuuse 7:37

Mosewí an kudá' múk Israeli gwa bay, ‹Aakoó Munguúhúng aarusmoó adór aníng ngu sláy baraá tla/ángw hhaeehúng wa ale, inós iiárií qaasaak.›

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

DABE 18:19

Heé axweesantá aarusmoowí aa axwees ar umuueé' gaa waaqaa', anuú kilá' un sakwasleemuút.

DABE 5:22

«Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

Kolosai 1:13

Inós atén tina baraá /uuruú giwtír wa ba/amis, tiri loohatís, tiri dahaás baraá waawuti'iimár Garmaawós oo sla'aarusmo.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.

Geehhoeemaá 14:14

Aluuwo aníng niri qaytsiít, huunkír /awaak ngiri ár. Nee gawaá huunkirihe oo wák aa iwiít. Inós a adór Garmoó hee. Gawaá sagose gár i kon a slamángw sahaábu, nee baraá dakose gár i kon a tsatoó xaraásl oo tsaaráy.