Matayo 17:27 - Biblía Axweesantá Hhohho' ar Mungú 2004

²⁷ Ala atén ohomuuseerí buhhtisaro a sla'aanaaká. Gawaá adoorihe kuúng tláw, baratsufi kwahheek baraá tlawi, siyoódá' ni geerií hardáh ooheek. Nee afkós bura waatlés, shilingmo uqo aán. Daqaní ku húp, ku hanís ohmér wa ale as daanduueé' nee kók.»

Ya/abtór hho' 1977

²⁷ Ala atén ohomuuseerí a sla'aanaaká kawa buhhtisaan. Gawaá adoorihe kuúng tláw, baratsufi kwahheek baraá tlawi, siyoódá' ni geerí hardáh ooheek. Nee afkós bura gwét, shilingmo uqo aán. Daqaní ku húp, ku hanís ohomér wa ale as daanduueé' nee kók.”

Matayo 17:27 Iomraidhean Croise

IIMU/UUNGW 1:28

Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

1 WAAWITÁ 17:4

Baraá duxuudae ma'aá wahaangw i sleér, slamí xwaa'aro aga ádbáw muruú /aymaarók nguwa huwaahup.»

WARA'AMI 8:8

tsir/o nee siyó baraá tlawi, nee makay sleémeero awa slafá' awa baraá tlawi.

YONA 1:17

AAKOÓ MUNGÚ siyoó yangaariír guna amohhe'eés, as Yona nguwa gu/i. Yona iri baraá guruú siyoódá' wa hoót deelo tám, xweera nee tlaatla/aangw.

YONA 2:10

AAKOÓ MUNGÚ siyoódá' yangaariír guri i ilawaáts. Siyoódá' Yona guri waá/ afaá tláwtí ale.

Matayo 17:26

Petro iri oó', «A dír dahaaye.» Yesu iri oó', «Ala bar adoosíng, na/ii ki amohhoo'.

Matayo 18:6

«Ala heé na/oó wák baraá na/iiká' ninakwe, kuká' án iga haratlinti'ii'i, gwa baraá tlakweemií gee/aasl, gár kus hhoó' a tlaa/ár ur ar xoosliingw kan gawaá istós i tseek, kway /aytiis baraá iltá tlawi.

Matayo 18:8

«Bar dakók kuúng u baraá tlakweemií gee/aslín, laqaá yaaeerók, tsateek, amór saaw ti kwahh. A tsiní slafiingw kuwa sleer dakók tawa wak, laqaá yaae, ta tawa dabaá koonda, laqaá ya'a', turi kwaahh baraá asltá baloó gwaa'aaká.

Matayo 5:29

Bar iltók ar doó /iyáy kuúng u baraá tlakweemií dahamís, tu/eek, ka kwáhh amór saáw i alé. A tsiní dír wák ar slaqwtók iwa qwat, ta slaqwtók sleémeero kawa kwahhi baraá asltá baloó gwaa'aaká.

Matayo 5:30

Bar dakók oo doó /iyáy kuúng u baraá tlakweemií dahamiis, tsateek, ku kwáhh amór saáw i alé. Asma a tsiní dír wák ar slaqwtók iwa qwat, ta slaqwtók sleémeero kawa kwahhi baraá asltá baloó gwaa'aaká.»

Marko 9:42

«Heé na/oó wák baraá na/iiká' ninakwe, kuká' án iga haratlinti'ii'i gwa baraá tlakweemií gee/aasl, gár kus hhó' a tlaa/ár xoosliingw kan gawaá istósií tseék, kway kwaahh baraá tlawi.

Marko 9:43

Gawaá adoorihe barnaxes dakók kuúng u baraá tlakweemií gee/aslín, tsateek. A tsiní slafiingw kuwa sleer dakók tawa wak, ta tawa baraá asltá baloó gwaa'aaká keer ar dabaá tsár. [

Luka 17:2

Heewí gár kus hhoó' a tlaa/ár xoosliingw kan tseek gawaá istós, nee kuri kwaahh baraá tláwtí alé, ta oo wák baraá kuká' ninakwe nguwa baraá tlakweemií gee/asli.

Yohana 6:61

Yesu baraá muunaáwose adór eeharuuse /aymuudá' ngur qununú/, gari tsáhh iri oó', «/Aymuuwí i dukutsumo tleehhimíti dirhunge?

Rumi 14:21

Gawaá adoorihe a tsiní fu'unaay bira meér /aymaaro, laqaá difaái bara meér wahaango, laqaá umuúqo gaaro ar hhiyaawók gu dukuutsmoó i huwaahuuw.

1 Korinto 8:13

Gawaá adoorihe, muruú /ayma barnaxes hhiyaaeé' gu dukuutsmoó i qamín, aníng fu'unaay i baloó /ayaaká ay alhhe'eesay wasle, as aníng mawa dukuutsmo tleehhiít dír hhiyaaeene.

1 Korinto 8:9

Ala amohhooarí ta koonda' ga/aawaak miwa dukuutsmo tleehhít dír mukdá' haratlintaao tununuu/a.

2 korinto 6:3

Baraá umuúqo gaaro atén hee u dukuutsmoó i qaasanaaká, as gadiyeérén makawa niqimís.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

1 Tesalonike 5:22

Ti paratle' dír umuúqo gár tlaakwe.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.