Matayo 17:22 - Biblía Axweesantá Hhohho' ar Mungú 2004

²² Qoomár sleémeero tawa baraá Galilayárií dirii'i, Yesu eeharuuseerós gari báy, «Garmoó Hee daxta ku qaas baraá dabaá muu,

Ya/abtór hho' 1977

²² Qoomár tawa harweeririn amór Galiláyár wa ale, Yesu eeharuuseerós gari báy, “Garmoó Hee daxta ku qaas baraá dabaá muu,

Matayo 17:22 Iomraidhean Croise

Matayo 16:21

Iimír qoomaadae Yesu eeharuuseerós gari iimu/ún xu'utimisuuwo iwa kaahi, «Aníng gár tiwa hariím an Yerusalemúr káw, nee slahh'eemisuú yaariír nguri sláw dír bariisér wa ale, nee dír kaahamuusér uren ar Mungú nee dír intsaahhatuusér hara'ayár Mose, nee tiri gaas. Ala bál tame niri waasleé/.»

Matayo 16:28

Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Matayo 17:12

Ala án kuungá' nu baw, Eliya naa qaroó hardáh, aqo muu inós guna tsaahhiiká. Ala inooín tidá' taa slaá' tleehhamooro, kana dirósií tleéhh. Inooín sleeme Garmoó Hee ngun adoodá' wa slahh'eemisiyá'.»

Matayo 17:23

nee kuri gaas, ala bál tame kuri waaslee/atis.» Eeharuuse adoorí ngiwa axás iri ló'wa gurhaamút.

Matayo 17:9

Qoomár niwa gawaá tloomár wa awdiitiya', Yesu eeharuuseerós gari báy, «Kaangwí taa aandé' mu baloó heé bawaara' ay dír Garmoó Hee ni baraá gi'i wa waaslee/i.»

Matayo 24:10

As adoorí múk yaariír haratlintaao gari máy, tiri kilooín sakikii/iyá' nee tiri kilooín ahhiitiyá'.

Matayo 26:16

Iimír qoomaadá' Yuda pa/aangw guri leelehhiít oo Yesu ngur saki/i.

Matayo 26:46

Tlawaaré', diirí geexawaare'. Ga/aawaagáy, kudá' aníng i sakií/ naa tseewúy.»

Marko 8:31

Yesu giri iimu/ún intsaahhatimisuuwo iwa kaahi, «Garmoó Hee gár kuwa hariím a slahh'emisuú yaariír gun sláy, nee kuwa siasi'i nee bariise nee kaahamuusér uren ar Mungú, nee intsaahhatuusér hara'ayár Mosewo, kuri gaas, deelo tám bira waaráhh i waaslee/.»

Luka 24:26

Ahaá, a gár xuawásle, Kristo slahh'amaayeerí ngiwa slay, nee iwa dahi baraá xirfuuwós i alé?»

Luka 24:46

Giri báy, «Tí a tidá' taa gooín tawa kaahi, ‹Kristo gár kuwa hariím aqo kun slahh'eemiis, nee bál tame nay waaslee/.›

Luka 9:22

Iri oó', «Garmoó Hee gár kuwa hariím a slahh'eemisuú yaariír ngun sláy, nee kun siasii' nee bariise, nee kaahamuusér uren ar Mungú, nee intsaahhatuusér hara'ayár Mose, nee kuri gaas, bál tame nay waaslee/.»

Luka 9:43

Muu sleémeero adór Mungú kur úr kawa ár tari waa/oó/. Qoomár muu muruudá' Yesu aa tleéhh nguwa waa/oo/amín, Yesu eeharuuseerós gari báy,

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

1 Korinto 11:23

Asma aníng intsaahhastí ana dír Aakoó wa ilaóh, nee ngiri kuungá' i oó', tí kah, Aakoorén Yesu xweeraadá' kuwa sakií/, mukaatmo guna taataáhh,