Matayo 17:20 - Biblía Axweesantá Hhohho' ar Mungú 2004

²⁰ Yesu iri oó', «Asma haratlintaaorhúng ka /aár. Án a kah, haratlintaaór har qoomoó ilmoó haradaáli bar koondá', a aleesleerá' tloomarí kawa beera', ‹Quútl diirihe, tláw amorqá',› alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

Ya/abtór hho' 1977

²⁰ Yesu iri oó', “Asma haratlintaaorhúng ka /aár. Án a kah, haratlintaaór har qoomár ilmoó haradaáli bar koondá', a aleesleerá' tloomarí kawa beera', ‘Quútl diirihe, tláw amorqá',’ alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

Matayo 17:20 Iomraidhean Croise

Matayo 13:31

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee ilmoó xa'anooko ta bay haradaáli, oo hee aa baraá qaymoorósí dahaás.

Matayo 14:29

Yesu iri oó', «Qwaláng.» Petro iri aweér gawaá miringamoó wa ale, iri hi'iít ar gawaá daanduú ma'aay, as iwa amór Yesú kay.

Matayo 17:17

Yesu iri oó', «Kuungaásingá' qartá haratlintaao wasl, nee ar aa qwat. Án nee kuungá' ta alhotaatimaan ay xaylá? Án kuungá' nu alqiqtlaatliim ay xaylá? Na/aay amor'eé' huwaare'.»

Matayo 17:19

Eeharuuse Yesu guri i daqeér qoomár inós tawa kilós, guri beér, «Ahaá, atén neetlaameedá' masa harslaaqataán duuxaro?»

Matayo 17:9

Qoomár niwa gawaá tloomár wa awdiitiya', Yesu eeharuuseerós gari báy, «Kaangwí taa aandé' mu baloó heé bawaara' ay dír Garmoó Hee ni baraá gi'i wa waaslee/i.»

Matayo 21:21

Yesu giri báy, «Án a kah, kuungá' bar haratlintaao a koondá', nee a xuruumita'aaká, ar ta tlehha' a tír /aantsí kiloseeká. Tam tloomarí sleeme bara beeré', ‹Quútl, tláw ti kwahhtá eer baraá tlawi,› adoorí i tleehharút.

Matayo 8:26

Giri báy, «Mas da'ayuumitá', kuungaásingá' haratlintaao niina.» Siiwadár kilae iri tláy, fur'a nee tlawto giri iigahhaát, umuúqo gaaro iri xaslít.

Marko 11:22

Yesu guri báy, «Mungú haratlintieek.

Marko 11:23

Án a kah, heé baraá muunaáwose xurumitaaká, tloomarí ga aleesláy ngiwa bay, ‹Quútl, ti kwahh baraá tlawi›. Birnga haratlintií' adór tidá' i kaahi ir tleehharút, i tsuwá tleehharút.

Marko 4:31

Waawuti'iimarí a adór ilmoó xa'anooko ta bay haradaáli. A ilmoó niiná ló'wa ale baraá dahaasiingw sleémeerowo.

Marko 9:23

Yesu guri báy, «Mas kat: Bar adór ta aleesleer i deer! Umuúqo gaaro i ya/aán dír kudá' haratlintaaór kooma.»

Luka 1:37

Asma dír Munguhe gár ya/aamaaká i káhh.»

Luka 17:6

Aako iri oó', «Bar haratlintaaór har qoomoó ilmoó haradaáli a koondá', a aleesleerá' /aantsírí kawa beera', ‹Quútl diirihe, ti hatltá eer baraá tlawi›, alók geera /aantsí nun iialooés.»

Luka 18:27

Yesu iri oó', «Tidaádá' dír muko ya/aamaaká, dír Munguhe i ya/aán.»

Yohana 11:40

Yesu iri oó', «Án kiíng iga báwiíke, bara haratlintí', xirfuú Mungú u aán.»

1 Korinto 12:9

Nee oo hatlá' aleesleemuú haratlintaao gun sláy ar Qeeruuduú kilá', kuqá' aleesleemuú hungu/umis gun sláy ar Qeeruuwí wák.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

Ebrania 3:19

Gawaá adoorihe aga araán adór dahmu ngura aleeslay'iiká, asma Mungú ngwa haratlinti'ii'iiká.