Matayo 17:12 - Biblía Axweesantá Hhohho' ar Mungú 2004

¹² Ala án kuungá' nu baw, Eliya naa qaroó hardáh, aqo muu inós guna tsaahhiiká. Ala inooín tidá' taa slaá' tleehhamooro, kana dirósií tleéhh. Inooín sleeme Garmoó Hee ngun adoodá' wa slahh'eemisiyá'.»

Ya/abtór hho' 1977

¹² Ala án kuungá' nu baw, Eliya naa qaroó hardáh, ala muu inós gwaa tsaahhiiká. Ala inooín tidá' taa slaá' tleehhamooro, kana tleéhh dirós i aleeró. Garmoó Hee sleeme kun adoodár wa slahhe'eemiis nee inooín.”

Matayo 17:12 Iomraidhean Croise

Matayo 11:2

Yohane kángw tlehhema'aá Kristo aa tleéhh nguwa axaás, baraá doó tseegamór wa ale, eeharuuseerós gari ya/aáw amór Yesu as kuwa yaahasi,

Matayo 16:21

Iimír qoomaadae Yesu eeharuuseerós gari iimu/ún xu'utimisuuwo iwa kaahi, «Aníng gár tiwa hariím an Yerusalemúr káw, nee slahh'eemisuú yaariír nguri sláw dír bariisér wa ale, nee dír kaahamuusér uren ar Mungú nee dír intsaahhatuusér hara'ayár Mose, nee tiri gaas. Ala bál tame niri waasleé/.»

Matayo 17:11

Yesu giri báy, «Ar ló', Eliya nin geerií hardah. Nee inós sleémeero gari amohhe'ees.

Matayo 17:13

Qoomaadae eeharuuse gari tsáhh adór kángw aa dir'ín i káh tar kángw Yohanedá' Baatimaamiís.

Matayo 17:22

Qoomár sleémeero tawa baraá Galilayárií dirii'i, Yesu eeharuuseerós gari báy, «Garmoó Hee daxta ku qaas baraá dabaá muu,

Matayo 17:9

Qoomár niwa gawaá tloomár wa awdiitiya', Yesu eeharuuseerós gari báy, «Kaangwí taa aandé' mu baloó heé bawaara' ay dír Garmoó Hee ni baraá gi'i wa waaslee/i.»

Matayo 21:32

Asma Yohane nina dirhúng i hardáh ar loohír gan'amu, kuungá' kuri haratlinti'i'iiká. Ohomuusér koódi nee tsaatuuseero kuri haratlintií'. Kuungá' adoodá' kawa aandé' tam sleeme aga hhu'u'uundi'iiká as kuwa haratlintia'.»

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Luka 7:33

Asma Yohánedá' Baatimaamiís niwa hardáh, i mikaátér /ayiiká, tam difaái ga wahahanká, kuungá' a kata', ‹Neetlaame gwaa eér.›

Yohana 1:11

Inós nina ayaawós i hardáh, ala kwa ilaoohiiká nee mukósuú kilá'.

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.