Matayo 16:28 - Biblía Axweesantá Hhohho' ar Mungú 2004

²⁸ Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Ya/abtór hho' 1977

²⁸ Án a kah, muu i deer baraá tla/ángw mukwí sihhimiita, oo gwa'ara ga baloó araaká, ay dír Garmoó Hee kway ari birna hardáh ar baraá waawuti'iimarós.”

Matayo 16:28 Iomraidhean Croise

Matayo 10:23

Kuungá' bartunda guús baraá gixsarí wa ale, ta gobá' baraá gixsár hatlá'. Asma án a kah, Garmoó hee ni kii/ dír gixsadaá múk Israeli kira faki'iiká.

Matayo 16:13

Yesu iri tláy ay yaamaá Kaisarea Filipi. Eeharuuseerós gari yaahaás gari báy, «Muu gár i kaahi a milá daanduú Garmoó Heewo, inós a heemá?»

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Matayo 24:34

Án a kah, muruuwí sleémeero i boo/ dír mukú de'emaaká' ir kumiiti.

Matayo 24:42

«Gawaá adoorihe dalaaé', asma baalár Aakoohúng iwa hardihi a xua'aaká.

Matayo 26:64

Yesu iri oó', «Kuúng aga ó'. Ala án a kah, iimír hamí Garmoó Hee u aandá' aa iwiít dákw doó /iyáy oo kudá' aleesleemuú koóm, nee nay kii/ ar huunkoó doori.»

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Marko 13:26

Aluuwo Garmoó Hee kuri ar i awdiit ar huunkáy, ar /uuruú úr nee xirif,

Marko 8:38

Asma umuúqo heewo oo aníng i samurumiít, nee as axweesante'eé', baraá mukuú de'emaaká' oo fuquuse nee tlakuuseero, heé adoorí ku samuruut nee Garmoó Hee, qoomár Garmoó Hee birna hardáh ar xirfuú Baabuúwós dinkwa nee malaykér hhohho'.»

Marko 9:1

Yesu giri báy, «Án a kah, baraá tla/ángw mukwihe muko i qatliiká, ay dír waawuti'iimár Mungú tidá' hardat ar /uuru kay ari.»

Luka 18:8

Án a kah, hariímar'ín ga haniis ar gaanslaay. Tam adoorihe qoomár Garmoó Hee binda kií/, haratlintaao ga ári baraakaá yaamuwo?»

Luka 2:26

Inós kwa geerií ádbáy nee Qeeruú hhoohhoó' oo Mungú gídaabá i gwaaiiká ay dír Krístó Aako ngway ari.

Luka 9:27

Tí ar ló' án ngi kuungií oó', ‹Mukko i deer baraá mukwí diirí wa sihhimita, oo baloó qatlaaká ay dír waawuti'iimár Mungú kay ari.› »

Yohana 21:22

Yesu iri oó', «Án barnaxes a slaá' kwí iwa slafi ay dír án ni kii/, gár kuúng u huuw a milá? Án kuúng na eeharáng.»

Yohana 8:51

Án a kah, hee bar axweesante'eé' gaa óh, i baloó gwaaiiká.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Tlehhema'aá ya/Abuuse 1:11

Mukdá' iri oó', «Aá múk Galilaya, asma milá mas sihhimitá' tawa dooraá ga/eerá'? Yésuuwí gawaá doori tsa/a/ám ni kii/, ar adoosíng kura aandé' iwa tsa/a/an gawaá doori.»

1 Korinto 15:23

Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.

2 Petro 1:16

Asma atén tiitár tawo ar sagalooa aga eeharaharaaniiká qoomár atén kángw /uuruú Aakoorén Yesu Kristo nguwa dirhúng i alki/iitaán, nee kángw ki/imaawós. Ala atén awa kilá' inós una araán ilaarene, nee xirfuuwós oo munguiima.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.