Matayo 16:24 - Biblía Axweesantá Hhohho' ar Mungú 2004

²⁴ Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Ya/abtór hho' 1977

²⁴ Qoomaadár kilae Yesu eeharuuseerós gari báy, “Umuuqo heewo oo aníng i eehartá wa slaá' gar kuwa hariím a sla'aarirós gan gunqarees, nee msalaábarós gari gagaar, aníng iri eehaar.

Matayo 16:24 Iomraidhean Croise

Matayo 10:38

Umuúqo heewo oo msalaábarós gaa gagaariiká nee naa aluueé' wa eeharinká, inós i aníng wa harinká.

Matayo 27:32

Qoomár tawa ti'imiiti, heeko kuri ár oo yaamaá Kirenér daáhh, umuuwós a Simon. Heewí kuri harakeés as msalaábár Yesu ngiwa gagaari.

Marko 10:21

Yesu guri i qaytsiít, guri slaá', guri báy, «Gár wák uga wa /aaruúr. Tláw, muruudá' ta koon sleémeero weeriseek, ku narkuutér i hanmís. Tók ar yaariir a gawaá doorí eér. Bara hhe'és, ni hardát, aníng ir eehát.»

Marko 15:21

Loohiro heeko wák oo baraá gixsár káw kuna harakeés as msalaábár Yesu ngiwa gagaari. Umuuwós a Simonú yaamaá Kirene, baabuúín Aleksanda nee Rufo.

Marko 8:34

Boo/ayduú muu guri ateét, nee eeharuuseerose, giri báy, «Umuúqo heewo bar aníng i eehartá wa slaa', gár kuwa hariím a sla'aarirós gan gunqarees, msalaábarós gari gagaar, aníng iri eehar.

Luka 14:27

Hee barnaxes msalaábarós gaa gagaariiká, nee naa aluueé' wa eeharinká, i eeharusmooeé' tleehhitiiká.

Luka 23:26

Yesu kurir tláy, heeko ta bay Simon nee inooín tiri doogiyé'. Inós a heé yaamaá Kirene. Inós i aykú daahh, i baraá gixsár káy. Kuri óh, kuri msalaábár i tsa/aás as ngiwa gagaari alaá Yésú wa ale.

Yohana 19:17

Yesu iri ti'iít, i msalaábarós loohiis, ay dír ta bay «Fartá saga» (tsifrír Ebraniaro ka bay Golgota).

Yohana 21:19

Adoorí gana oó' as ngiwa laqan loohír Petro ir gwaai ar Mungú ngur xirfayeesi. Yesu adoorí ooaro ngiwa hhe'eés, iri oó', «Án eeharáng.»

Yohana 21:22

Yesu iri oó', «Án barnaxes a slaá' kwí iwa slafi ay dír án ni kii/, gár kuúng u huuw a milá? Án kuúng na eeharáng.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

1 Tesalonike 3:3

asma baraá tla/angwhunge hee miwa deeruút oo alií kií/ as slahh'eemisuuwí. Kuungá' kilá' a xuá', adór atén gár tiwa hariím aqo slahh'eemisuú adór kwí un slawaán.

2 Timoteo 3:12

Mukdá' sleémeero oo hotángw ilaiwa/ame gu slaá' nguwa ar hootiya' baraá Kristo Yesuwo aqo kin gusisín.

1 Petro 2:21

Gaarí an gár kuungá' tundusa ateét. Asma Kristo kuna slahh'eemiís as kuungá', inós iri slaqsaay tleehhiít as kuungá' digiruuwós kuwa eehada'.