Matayo 16:23 - Biblía Axweesantá Hhohho' ar Mungú 2004

²³ Yesu iri warqáy amór Petro, guri báy «Quútl dír geeraaeene Neétlaangw! Kuúng a dukutsmo dir'eene. Asma inslawaywók kwisíng oo Munguheeká ala oo muu.»

Ya/abtór hho' 1977

²³ Yesu iri warqáy amór Petro, iri oó', “Quútl dir'eene Kuúng a Neetlaangw. Kuúng a dukutsmo dir'eene. Asma inslawoó kuúng ta inslasleer oo Munguheeká ala a oo Neetlaangw.”

Matayo 16:23 Iomraidhean Croise

IIMU/UUNGW 3:17

Hhawaata guri báy, «Asma kuúng afór hareerók kawa iiárií qás, mamaá xa'anoodá' uwa báw ‹mi /ayaar› kiri /ák, yaamu kaa lu'ús as kuúng. Kuúng muruú /aymaarók un baraawós wa sleér ar slahh'amuú gadiyér ur baraá slafiingók sleémeero.

2 SAMUELI 19:22

Ala Daudi iri oó', «Daaqoó Seruya, gár aníng nee kuungá' i káhh. Asma milá misti adór wakuuser'eé' tlehhá' laarí? Xáy, hee kun gaási baraá Israeliwo laarí? Ahaá, aníng ti xuaakáhe adór tar waawutmoó Israeli deelór laarihe?»

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

ISAYA 8:14

Aníng a dirók tidá' hhoohhoo' ar guwaay, sleeme aqo adór tlaa/anoó dukuutsmo, tlaa/ár waawituú Israeli i huhu'un nee oo Yudawo. Aníng a tsaaxweelír yaamuloouusér Yerusalemu ga ohiim.

Matayo 16:22

Yesu kurir bihhí suruúk nee Petro guri iigahhaát, guri báy, «Aasla'áy Aáko, Mungú tisíng ngi pa/asi, kuúng muwa sleér.»

Matayo 18:7

Múk baraaká' yaamu, a tsaxwaaín, asma muruú yaariír i deer oo múk gee/asliím baraá tlakweema. Muruuwí inqo tawó deer, ala heedaádá' ngu huwaahuúw, a tsaxwaawós.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Marko 8:33

Yesu iri amór eeharuuseerós i warqáy, Petro guri iigahhaát guri báy, «Tláw, aluueé' ki/eek, kuúng Neétlaangw, asma inslawaywók oo Munguheeká, oo múk tawo.»

Luka 4:8

Yesu iri oó', «Kaa gooín, ‹Aakoó Munguúwók na sluufmiseek nee ku sagadiyús inós kilós.› »

Yohana 6:70

Yesu iri oó', «Ahaá, án kuungaásingá' mibaá nee tsár naa tsawaáriíke? Ala oo wák baraahunge a neetlaangw.»

Rumi 14:13

Gawaá adoorihe atén kilootén mitiwa sakwasleemuutaán. Ala masók sakwasleemarhúng a adoorí, hee hhiyaawós munguwa dukuutsmoó i qaás, laqaá munguwa baraá tlakweemií daáhh.

Rumi 14:21

Gawaá adoorihe a tsiní fu'unaay bira meér /aymaaro, laqaá difaái bara meér wahaango, laqaá umuúqo gaaro ar hhiyaawók gu dukuutsmoó i huwaahuuw.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Kolosai 3:2

Muruú gawaá doori na inslaslaawaak umuú siiwaro, ala a muruú baraakaá yaamuuwooká.