Matayo 16:19 - Biblía Axweesantá Hhohho' ar Mungú 2004

¹⁹ Nee aníng gweermór waawuti'iimár doori ngi dirógií haniís. Nee umuúqo gaaro ar kuúng ta tsek baraaká' yaamuwo, gawaá dooriiwo sleeme ka tseek. Slám umuúqo gaaro ar kuúng ta gwet baraaká' yaamuwo, gawaá dooriiwo sleeme ka gweer.»

Ya/abtór hho' 1977

¹⁹ Nee aníng gweermór waawuti'iimár doori ngi haniís dirók i alé. Nee umuúqo gaaro ar kuúng ta tsek baraaká' yaamuuwo, gawaá dooriiwo sleeme kaa tseék. Slám umuúqo gaaro ar kuúng ta gwet baraaká' yaamuuwo, gawaá dooriiwo sleeme kaa gweér.”

Matayo 16:19 Iomraidhean Croise

ISAYA 22:22

Aníng gweermór doó Daudi an dirós i haniís. Inós bar gaa nga gweér, heé ga tseék i kaahh, nee inós bar ngaa tseék, heé ga gweér i kaahh.

Matayo 18:18

«Án a kah, umuúqo gaaro ar taa tsegé' baraakaá' yaamuwo, gawaá dooriiwo kaa tseék sleeme. Nee umuúqo gaaro ar taa gwedé' baraakaá' yaamuwo, gawaá dooriiwo sleeme kaa gweér.

Yohana 20:23

Bar kuungá' tlakweemaá muu iga gurtleeré', kaa gurtláy. Kuungá' bira gurtleeri'iiká, kaa gurtlayká.»

Tlehhema'aá ya/Abuuse 15:7

Tari ló'wa kaa/uús. Aluuwo Petro iri sihhiít, iri oó', «Hhaee'eé', kuungá' a xuá' adór iimír aange Mungú aníng ira tsawaár tla/angwhúng wa ale as Ya/abtór hho' ngiwa alki/iit dír múk xoordaá hatlá', as inooín kawa haratlintii'i.

2 korinto 2:10

Asma heé kuungá' taa gurtleeré', heedá' aníng sleeme ugwa gurtláw. Asma aníng gár naa gurtláw, aga gurtláw, barnaxes gaa i deer ar nguwa gurtlaw. Slám gadá' naa gurtláw, aga gurtláw as kuungá' dír geeraá Kristó wa ale,

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 11:6

Lamabu'uuseerí i hara'ayár koón ar doori ngiwa tsek, as tluwaay miwa tluúw qoomaadár aaru'uumar'ine. Nee slám i hara'ayár koná' ar ma'aay kiwa tseere tleehhi nee yaamu ngiwa muxiya' ar umuúqo muxtaaro ar qoomaadá' inooín ta slai.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

Geehhoeemaá 9:1

Malaykamoó kooán tarumbeéta gari ufaáhh. Aníng tsatsee/ír naa gawaá doorí wa /et ngiri ár, iri hú' gawaá daanduú yaamu. Tsatsee/irí gweermór bohongwdá' aa tsarere'eet gari sleér.