Matayo 16:18 - Biblía Axweesantá Hhohho' ar Mungú 2004

¹⁸ Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Ya/abtór hho' 1977

¹⁸ Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' aníng iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 16:18 Iomraidhean Croise

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

2 SAMUELI 18:4

Waawutmo giri báy, «Umuúqo gár kuungá' taa hhooeemaá wa aandé', ngi tleéhh.» Waawutmo iri bihhií sihhiít dír afkú do', slaqwaruuseerós iri warhhaahhát, tidár tsiire nee kumeero.

YOBU 38:17

Afkú gwa'ara kunga dirógí laqáni? Laqaá kangarmoduú afkú gi'ií dirií' ugwa aándi?

WARA'AMI 107:18

Muruú /ayma dir'ine /etaangw gway sií', qatlo kay i nakaá/.

WARA'AMI 127:5

Heé amohhoó' a kudá' na/aá yaariir gaa laqwaal. Heewí ku mureekeesiiká, bar ta axwees nee wakuuse baraá doó sakwasleemaro.

WARA'AMI 129:2

Aníng ta ló'wa baramaanuús iimír masoombi'iimar'eene, ala taa aslayká.

WARA'AMI 69:12

Muu baraá lohuwo aníng in tawo daanda axwees, nee múk oonituuse aníng in niqín ar daa'angw'ín.

WARA'AMI 9:13

AAKOÓ MUNGÚ, án gurtlawáng, qaytsiít slahh'eemisuú tir slahh'eemisi nee kudá' aníng i ahhiitá'. Kuúng an kudaádá' aníng i ki/ís dír afkuduú bohóngw gwa'araaro.

AXWEESANOÓ SAGALOOA 24:7

Sagalooa ka saaw dír heé daktanto, baraá kwasleemaro afkós gu gweeriiká.

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 28:6

Dír mukdá' kwasleemadaá tlaaqa, inós in qeeru tleehhiit oo kwasleemár ganaa', iri /uuru tleehhiit dír mukdá' gixsár xuuma.

ISAYA 38:10

Aníng ana oó', «Baraá na/uumar'eene aqo an gwaá', aníng taa qaroó amohhe'eés niwa dah baraá gi'i deelo sleémeero ar naa meti baraá slafingw'eene.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

YONA 2:6

Niri /eét ay baraá gi'i, afér yaamuueé' kari aluueé' wa tseék ar tseegmór ta gweeriiká baloó ale. Ala kuúng, AAKOÓ Munguúeé', ina slafi dúx baraá bohóngw gwa'arár wa alé.

Matayo 10:2

Umér ya/abuuseerí mibaá nee tsár a tí: Oo geera a Simon, kudá' ta babay Petro, nee hhiyaawós Andrea, nee Yakobó Sebedayo nee hhiyaawós Yohane,

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Matayo 4:18

Qoomár Yesu iwa afaá tlawtá Galilayár wa hi'iimiti, hha'aá tsár gina ár. Kooko a Simon, kudá' ta babay Petro, nee hhiyaawós Andrea, ta baratsufoó kwakwaahh baraá tlawi, asma tawa inooín a múk siyoó ohahiím.

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

Yohana 1:42

Simon kuri huúw amór Yesu. Yesu iri qaytsiít amór Simon, iri oó', «Kuúng a Simon, garmoó Yohane. Nee kuúng tu bay Kefa.» (Gídaabárós a Petro, laqaá Tlaa/a).

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

1 Korinto 15:55

«Xáy, Gwa'ára, arba/atirók i amá? Xáy, Gwa'ára, slahh'eemisuuwók i amá?»

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Efeso 3:10

Gár geeraawo ngusa luú/, a as sagalooarós ar yaariir ngiwa xu'utisi qoomaarihe dír waawitá nee dír kudá' aleesleemuú koomá' baraá yaamaá qeeruuwo ar loohír mukdá' inós gwa haratlintii'.

Efeso 5:32

Lu/aaráywí ku úr. Ala án gár ni axwees a kángw Kristo nee mukós.

Kolosai 1:18

Múk kríshaanáy a slaqwtós, nee inós a saga. Inós an iimu/úngw kríshaanáy. Inós an kudá' naa geerií waaslee/ baraá múk aa qaátl wa ale, as inós iwa iimu/úngw umuúqo gaa tleehhiti.

1 Timoteo 3:15

Ala tam adoorihe aníng binda tliík hardahamuwo, kuúng masók adór umuúqo heewo kuwa hariím hotaango baraá dinkwár múk Munguhe a xú'. Dinkwaarí an múk kríshaanáy, inooín an uhmo nee iihhafiirír looeema.

1 Timoteo 3:5

Asma heé do'ós geeraharto gu aleeslaslawaaká, adór múk Mungú geeraharto ngur aleeslay a adoomá?

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 21:14

Koo/ír gixsadá' gaa harwet kana iihhaáf ar tlaa/aá mibaá nee tsár. Nee gawaá tla/uká' mibaá nee tsare umér ya/abuuseedá' mibaá nee tsár ar Deelmoó bee/i kana gooín.