Matayo 16:17 - Biblía Axweesantá Hhohho' ar Mungú 2004

¹⁷ Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Ya/abtór hho' 1977

¹⁷ Yesu iri oó', “Simóni, garmoó Yona, kuúng a heé amohhoó', asma kaangwi heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Matayo 16:17 Iomraidhean Croise

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

Luka 22:32

Ala aníng kuúng ugwa aleefiriím as haratlintaaoorók makawa arbaá/. Ala kuúng qoomár bara hhu'u'uún, hhaeewók ki /uurií qás.»

Yohana 1:42

Simon kuri huúw amór Yesu. Yesu iri qaytsiít amór Simon, iri oó', «Kuúng a Simon, garmoó Yohane. Nee kuúng tu bay Kefa.» (Gídaabárós a Petro, laqaá Tlaa/a).

Yohana 6:45

Kaa gooín baraá gooír aaruuseero tawa kaahi, ‹Muu sleémeero ku intsaahhatis nee Mungú.› Gawaá adoorihe, umuúqo heewo oo Baabá gwa axaas, nee gari dirós wa intsaatsaáhh, i amor'eé' hardah.

1 Korinto 15:50

Hhaee'eé', gár án ni kah a tí, slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

Galatia 1:16

Garmaawós nguna dir'eénií geehhooatís, as kahhó', aníng Ya/abtór hho' ar daanduuwós ngiwa alki/iit dír múk xoordaá hatlá', qoomaadae aníng heé naa yaahaás i kaahh.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Efeso 3:5

Qoomár aa waarahhi lu/aaráywí kwa laqaniká dír muu. Ala daxta Qeeru gwa geehhooatís dír ya/abuuseerós ar hhohho' nee dír aaruuse.

Efeso 6:12

Asma wakuusér nee atén slaqwá' a mukooká, ala a waawitá nee kudá' aleesleemuú koomá', kudá' waawuti'iimá' daanduú yaamuuká' giwtír kooma'a, nee neetlaamér tlakw ar baraá yaamaá qeeru.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

1 Yohana 4:15

Hee bira ya/án adór Yesu Kristo tar Garmoó Mungú, Mungú i baraawós i dirii'. Nee inós i baraá Mungú.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.