Matayo 16:13 - Biblía Axweesantá Hhohho' ar Mungú 2004

¹³ Yesu iri tláy ay yaamaá Kaisarea Filipi. Eeharuuseerós gari yaahaás gari báy, «Muu gár i kaahi a milá daanduú Garmoó Heewo, inós a heemá?»

Ya/abtór hho' 1977

¹³ Yesu iri tláy amór yaamaá Kaisaria Filipi. Eeharuuseerós gari yaahaás gari báy, “Muu gár i kaahi a milá daanduú Garmoó Heewo, inós a heemá?”

Matayo 16:13 Iomraidhean Croise

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

Matayo 12:32

Umuúqo heewo oo /aymuú /ooslima gu oó' daanduú Garmoó Heewo ku gurtláy. Ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe, ku baloó gurtlayká baraá yaamuukae, tam baraá yaamuudá' xaw'a.»

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Matayo 12:8

Asma Garmoó Hee an Aakoó deelór Sabaáto.»

Matayo 13:37

Yesu iri oó', «Heedaádá' dahaasíngw hhó' gwa dahaas a Garmoó Hee.

Matayo 13:41

Garmoó Hee malaykeerós ngi ya/aaw, nee malaykeedá' mukdá' sleémeero oo múk gee/asliím baraá tlakweema nee mukdá' tlakweemaá tlehhiít, guri burumbút, guri hingés baraá waawuti'iimár Garmoó Heewo.

Matayo 15:21

Yesu iri tláy didae ay amór yaamaá Tiro nee Sidoni.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 16:28

Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Matayo 9:6

Ala kuungá' xuaak adór Garmoó Hee aleesleemu ngur kón baraá yaamuwo oo tlakweema ngiwa gurtlay.» Tiqtusmoodá' guri báy, «Sihhiít, hhaftuuwók gagaareek, waátl amór do'ók.»

Marko 10:45

Asma tam Garmoó Hee sleeme naa hardihiiká as kuwa sagadiyuusi, ala nina hardáh as inós muu nguwa sagadiyuusi, nee slafiingós nguwa duuxi tawa bu'utuú múk yaariír ngur tu/i.»

Marko 8:38

Asma umuúqo heewo oo aníng i samurumiít, nee as axweesante'eé', baraá mukuú de'emaaká' oo fuquuse nee tlakuuseero, heé adoorí ku samuruut nee Garmoó Hee, qoomár Garmoó Hee birna hardáh ar xirfuú Baabuúwós dinkwa nee malaykér hhohho'.»

Yohana 1:51

Yesu Natanaeli guri báy, «Án a kah, doori iqo aandá' adór nir gweeritiya', nee malaykér Mungú iwa tsa/a/aan nee iwa awdit gawaá Garmoó Hee.»

Yohana 12:34

Boo/aay iri oó', «Atén gár naa axasaán baraá hara'ayaaro Kristo in slafaafín ay alhhe'eesay wasle. Nee ala kuúng mas kat, Garmoó Hee gár kuwa hariím a gáwtí tleesa? Garmaawí oo Hee a heemá?»

Yohana 3:14

«Adoodá' Mose dayshamo ngura gáwtí tleés baraá xaanxáy wa ale, tam Garmoó Hee gár kuwa hariím kun adoodár gáwtí tlees.

Yohana 5:27

Slám aleesleemuú sakwasleema gwa amoorós i haniís asma tawa Garmoó Hee.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 7:56

Iri oó', «Doori iga ár naa gweeritiyé', nee Garmoó Hee aa sihhiít bihhaá dákw doó /iyáy oo Mungú.»