Matayo 15:9 - Biblía Axweesantá Hhohho' ar Mungú 2004

⁹ Inooín aníng in tawó xirfayeemisiyá', ala gár ta intsaahhatimisi a hara'aydaá muu hariímár axweesantá Mungú wa ale.› »

Ya/abtór hho' 1977

⁹ Inooín aníng in tawó xirfayeemisiyá', ala gár ta intsaahhatimisi a hara'aydaá muu hariímár axweesantá Mungú wa ale.’”

Matayo 15:9 Iomraidhean Croise

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 73:13

Nari oó', «Muunaáeé' una tawo hhoohhooeés, dabaá tlakw ina tawo tleehhiiká.

TI'INAANGW 20:7

«Umuú AAKOÓ MUNGÚ, Munguúwók, mu tawo axweesaar, asma AAKOÓ MUNGÚ heé umuuwós gu tawo axweés gu gan'amií harafaariiká.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

TLAHHOÓ LAÁWI 26:20

/Uureemoohúng in tawo hhitiindá', asma qamuuhúng balaangw ngu hamareesiaaká, nee yaamuuhúng i mamaá laqwaliaaká.

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

Matayo 15:10

Yesu boo/aay guri ateét guri báy, «Iia qaasaak nee tsaahhaak.

Marko 7:7

Inooín aníng i tawó xirfayeemisiyá'. Gár ta intsaahhatimisi a hara'aydaá muu hariímár axweesantá Mungú wa ale.›

1 Korinto 15:2

Slám kuungá' tundu ba/amis ar Ya/abtoorí, barnaxes aga kumité' Ya/abtoorí hho' kawa haratlintia' ar adoodá' aníng ngira dirhúngií alki/iít. Ala bar adoorír kumita'aaká, kuungá' daqaní ana tawó haratlintié'.

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

1 Timoteo 1:4

Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao.

Tito 1:14

nee tiitár múk Yahudi makawa iiárií qamín, laqaá hara'ayár mukdá' looeema gaa sii' makawa eeharahár.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Yakobo 2:20

Kuúng a daktani. Kuúng a xu'ukáhe adór haratlintaaór tlehhema'aá koomaaká, gár i bu' ir káhh.

Geehhoeemaá 22:18

Umuúqo heewo oo axweesanoó aaru'uuma gu axamiís, kudá' baraá kitaábuuwí i dirií', aníng inós u gurbuú' niwa kah, Hee barnaxes garka gaa doók baraá axweesanaywí i alé, daqaní Mungú muxtaadá' taa gooín baraá kitaábuuwí i aleeró ga dook daanduú heewí alé.

1 SAMUELI 25:21

Daudi aáng iwa oó', «Ar loe aníng muruú Nabali una tawo xumxaxuúm baraá xaanxáy wa ale, tam umuú gár naa sláw i káhh, nee gaarós ar aa qwat i káhh. Una hhooárí tleéhh, inós hhooar'eé' tidá' ngiri buú' ar tlakweema.