Matayo 15:32 - Biblía Axweesantá Hhohho' ar Mungú 2004

³² Yesu eeharuuseerós gari ateét, gari báy, «Aníng guruueé' i tlatláy boo/aywihe, asma deeloorí tamaawo án nee inooín a dinkwár i dir'aitaán, ala muruú /ayma ku konká. Aníng a sla'aaká ngiwa geemaw tawa watli ar qwari, as matawa baraá loohírí /ara/eerimiít.»

Ya/abtór hho' 1977

³² Yesu eeharuuseerós gari ateét, gari báy, “Aníng guruueé' i tlatláy boo/aywihe, asma deeloorí tamaawo án nee inooín a dinkwár i dir'aitaán, ala muruú /ayma ku konká. Aníng a sla'aaká ngiwa geemaw tawa watli ar qwari, as matawa /ara/eerimiít loohír i alé.”

Matayo 15:32 Iomraidhean Croise

2 WAAWITÁ 4:42

Heeko wák oo Ba'al-shalishár daáhh Elisha heé Mungú guri mikaátér mibeeri tsár i huúw, ar taa tleéhh ar balángw geera oo kurkudá' oo angaánoó shayiri nee qiintár angaáno ar guniyadu iwa hatsiya'. Elisha Gehasi guri báy, «Haniiseek dír muu ka /ayi.»

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Matayo 14:13

Nee Yesu kangwdá' nguwa axaás, iri tláy ar miringamo ay dír inós tawa kilós. Nee boo/oó muu adoodá' ngiwa axaás, kuri eehár ar ya'a' amór gixsaduuín wa ale.

Matayo 15:33

Eeharuuseerós guri beér, «Mikaátér yaariir dír kawa slawaan a diimá baraá xaanxaywihe ar boo/oó yaariír kwí kur aaxiisi?»

Matayo 20:34

Yesu guruuwós iri tláy, ilaaín giri kwatiít. Siiwadár kilae ilaaín niri qaytsitiyé', Yesu kuri eehár.

Matayo 27:63

tari oó', «Aáko, aga inslawaán adór heedaáduú al/aymusmo qoomár iwa slafi ira oó', ‹Deelo tám bira waaráhh án ni waasleé/.›

Matayo 9:36

Yesu boo/oó muu nguwa ár, iri gurhaamuút, asma boo/aydá' iwa slaaqamiít nee iwa diyayaa/aát adór bee/ángw de'eemusmo wásl.

Marko 9:22

Nee daqtá yaariire gu dararáhh baraá asla, nee baraá ma'aay, as nguwa gaasár wa sla'. Ala bar adór ta aleesleer i deer, ti gurtleer nee ti alee/is.»

Luka 7:13

Qoomár Aako ngiwa ár, guruuwós iri tláy, gari báy, «Ma /aa/amiimaar.»

Tlehhema'aá ya/Abuuse 27:33

Qoomár iimi iwa piinsli'iimit, Paulo muu sleémeero guri harhheehhe'eés iwa /ayin, iri oó', «Ay laarí deelo a mibaá nee tsiyáhh tawa daamaraandé' nee tawa gwaawiwiindé', tam aga gaa /agi'iiká.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.