Matayo 15:27 - Biblía Axweesantá Hhohho' ar Mungú 2004

²⁷ Inós iri ó', «Ar ló' Aáko, baré ala seeaawe tam muruú /aymár aakooín i paahhamiisi, guqo /ák sleeme.»

Ya/abtór hho' 1977

²⁷ Inós iri ó', “Aáko, ala seeaawe tam muruú /aymár aakooín i paahhamiisi, baré guqo /ák sleeme.”

Matayo 15:27 Iomraidhean Croise

IIMU/UUNGW 32:10

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

Matayo 15:26

Yesu gari báy, «I hariindaaká muruú /aymár na/ii kuwa seeaawérií kwakwaahhi.»

Matayo 15:28

Yesu gari báy, «Aáyo, haratlintaaoorók ka ló'wa ur. Tidaádá' ta sla' i tleehharut.» Qoomaadár kilae dasiirós iri hungú/.

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Matayo 8:8

Geeraharusmooduú askaári iri oó', «Aáko, aníng a hariimaaká kuúng niwa baraá dooeé' dát. Ala kuúng /aymu na ooeek, nee lawaalmooeé' i hunguu/.

Marko 7:28

Inós guri beér, «Adoosíng a ló', Aáko, ala tam seeawér dír muruú /aymár wa xumiis, baré muruú /ayma kudá' na/ii i paahhamiisiya' guqo /ák.»

Luka 16:21

Inós muruú /aymaadá' gawaá meésár daqaarmoó wa paáhh, gun ilatleerumamiis nguwa /ayi. Sleeme seeaawe gun i burumburimaamít, gun inkahhi'i naatsatsiín.

Luka 18:13

«Ala ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‹Mungú, án gurtlawáng! Aníng a heé tlakweemaá koóm.›

Rumi 10:12

Asma baraá kaangwihe gár dimbé i káhh dír heé Yahudi nee dír heé Yunaniro. Asma sleémeero Aakooín a wak. Nee hhooeemaawós i bu'uutiyá' dír umuúqo heé inós gu ateetima.

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

Rumi 3:29

Laqaá Mungú an Munguú múk Yahudi kilóse? Ahaá, a Munguú múk xoordaá hatlaeekáhe sleeme? Eeít, inós a Munguú múk xoordaá hatlá' sleeme.

Rumi 3:4

Aasla'áy, a adoosingeeká. Mungú inós a inkihhimusmo, umuúqo heewo tam lamusmoowo. Asma kaa gooín, «Kuúng bar axwés, axweesanaywók masók ku tsaahh, adór tar axweesanoó ganaá', nee kuúng tawa baaliin baraá kwasleemaro.»

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.