Matayo 15:18 - Biblía Axweesantá Hhohho' ar Mungú 2004

¹⁸ Ala muruú baraá afkú heé wa ti'imiít, amór i dahhi a baraá muuná, an muruudá' hee gu meetagaás.

Ya/abtór hho' 1977

¹⁸ Ala muruú afkwá heé wa ti'imiít, amór i dahhi a baraá muuná, an muruudá' hee gu slasla/aareés.

Matayo 15:18 Iomraidhean Croise

WARA'AMI 36:3

Ala inós a lamusmo nee foolusmo, sagalooa nee tlehhma'aá hhohho' gaa máy.

AXWEESANOÓ SAGALOOA 10:32

Múk ganaá' gár axweesanto hariim ga xuu', ala afér múk tlákw gár i axwes a axweesanoó lama.

AXWEESANOÓ SAGALOOA 15:2

Heé sagaloó' afkose gár i axweesi a muruú i xui, Ala afér daktana aqo daktu'uuma gan kát.

AXWEESANOÓ SAGALOOA 15:28

Inslawoó heé hota ganaá' /aymu nguwa ooi gun ala aldaakw, Ala afér múk tlákw axweesanoó tlákw gun tawo wa/amiín.

AXWEESANOÓ SAGALOOA 4:23

Muunaáwók harmagaahheek ta mura' sleémeero oo ta xuunda, asma an dír kutltá slafiingw i dahh.

AXWEESANOÓ SAGALOOA 6:12

Heé tlaákw, inós a heé ta haraeeraaká gaaro, in tawo hi'iimiit, gaa a axweesanoó tlákw gun axwees.

Matayo 12:34

Kuungá' xwaylár dayshe, kuungaásingá' tlakw, adór axweesanoó hhó' kur axwesá'? Asma hee gár i axweesi a tidá' muunaáwós iwa hatsi.

Matayo 15:11

Gár hee i /ayi gu meetagaská, ala tidá' baraá afkú heé wa ti'imiit, an tidá' gu meetagaas.»

Matayo 15:17

Aga tsahhi'iikáhe adór, gár hee aa /aáy ar afa, iri waaráhh ar baraá gura', kari baraá bohoóngwí kwaahh.

Marko 7:20

Giri báy, «Tidá' baraá muunuú heé daahh an tidá' gu meetagaas.

Luka 19:22

Aakoodá' iri oó', ‹Kuúng a lawaalmoó tlaákw. Aníng kuúng u sakwasleemuút ar /aymi'iiwók kwisingá'. Ala kuúng bar xú' aníng a /akusmo, nee an leehhihhiím didaádá' gaa ngiwa qaasiiká, slám a bu'uúm didaádá' niwa dahaasiimiiká,

1 SAMUELI 24:13

Adoodá' múk bál qaro ngira oó', tawa kaahi, ‹Baraá múk tlakwe gár ti'imiit a tlakweema.› Ala aníng dakw'eé' ngu gawaawók i looloqoosaaká.