Matayo 15:11 - Biblía Axweesantá Hhohho' ar Mungú 2004

¹¹ Gár hee i /ayi gu meetagaská, ala tidá' baraá afkú heé wa ti'imiit, an tidá' gu meetagaas.»

Ya/abtór hho' 1977

¹¹ Gár hee i /ayi gu slasla/areská, ala tidá' afkwá heé wa ti'imiit, an tidá' gu slasla/arees.”

Matayo 15:11 Iomraidhean Croise

WARA'AMI 10:7

Gár baraá afkose aa hats a lu'umis nee fola nee /ayta. Gár kuwa inslaáhh a axweesanoó tlákw nee oo tlií/ gun axwees.

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

Matayo 15:10

Yesu boo/aay guri ateét guri báy, «Iia qaasaak nee tsaahhaak.

Matayo 15:12

Eeharuuseerós guri i daqeér guri beér, «Kuúng aga tsáhhi, múk Farisayo /aymuudá' nguwa axaás adór tara buúhh?»

Marko 7:15

Gár hee i /ayi, gu meetagaská, ala tidá' baraá muunuú heé daahh, an tidá' gu meetagaas. [

Rumi 14:14

Aníng a xuú', nee slám taa ló'wa xu'utisa hhe'eés nee Aako Yesu adór gár slasla/aar ir káhh baraá tleehhamoorose. Ala dír heedaádá' ga kaaha gaarí ka slasla/aar, dirose gadaádá' ka qo slasla/aar.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 14:20

Gadiyér Mungú ma hhitiimaar as muruú /ayma. Ar ló' mura' sleémeero ku hhohhó'. Ala i hariindaaká muruú /aymár hee gu baraá tlakweemií dahaás kuwa /ak.

1 Timoteo 4:3

Mukwí in intsaahhatimis iwa kaahi, «Duuxo ka tlaakw.» Slám ta kaahi, «Muruú /aymarka ku tlaákw /aymaaro.» Ala Mungú muruú /ayma sleémeero guna tleéhh as kuwa /ayi ar sluufaay nee mukdá' aa haratlintii', kudá' looeema gaa tsaahh.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.