Matayo 14:9 - Biblía Axweesantá Hhohho' ar Mungú 2004

⁹ Waawutmo Herode iri gurhaamuút, ala as lo'odá' aa huúw, nee as mukdá' didá' wa /ayiima, hara'aya gari haniís saga kuwa haniisi.

Ya/abtór hho' 1977

⁹ Waawutmo Herode iri gurhaamuút, ala as lo'odá' aa huúw, nee as mukdá' didá' wa /ayiima, hara'aya gari haniís saga kuwa haniisi.

Matayo 14:9 Iomraidhean Croise

DAHARUSMO 5:2

Afkók harmagahheek axweesanoó daktu'uumaro, tam ma gaanslutaar gaa ooaro dír geeraá Munguhe. Asma inós i gawaá doori nee kuúng a baraá yaamu, ala axweesantók masók kan ureeká dír Munguúwoge.

YEREMIA 44:25

AAKOÓ MUNGÚ Aleesleemusmo, Munguú Israeli, i kaahi, ‹Kuungá' nee tlaawayhúng aferhunge aga oé' nee aga boo/esé' dabaahunge, tawa katé', gadaádá' naa lo'ór wa /ayaán aqo an tleehhaán, nee mooyángw tsuú' aqo un haniisaán dír waawuto'ór doori, nee ilahhooár tsiririximis aqo an dirós i haniisaán.› Adoodá' taa lo'ór wa /agé' tleehhaak!»

Matayo 14:1

Qoomaadae waawutmo Herode kángw Yesu guri axaás,

Matayo 14:10

Hee guri ya/aáw baraá doó tseegamo, as ságw Yohane nguwa tsati.

Matayo 14:5

Herode Yohane guri gaasár wa slaá', ala muu guna da'ayuút. Asma muu Yohane guna tsaáhh adór tar aarusmo.

Matayo 14:8

As dasi kawa dukaakín nee aayoorós, Herode guri beér, «Gár ni slaa' a ságw Yohanedá' Baatimaamiís ngun baraá xooslmoowí qás.» Ala gár dasi adoorí ngisa ó', a aayír'ín ngina adoorí beér.

Marko 6:14

Waawutmo Herode kaangwí guna axaás, asma kángw Yesu umuúqo diiro kwaa axaás. Muu i kaahi, «Yohanedá' Baatimaamiís naa waasleé/, gawaá adoorihe /uuruuwí in baraawós wa gadiyuus.»

Marko 6:20

Asma Herode Yohane gu da'ayumiit, asma ga xuu' adór tar heé hota ganaá', nee oo hhoohhoó' dír Munguhe. Inós guna amohhe'eemiís asma mukuwa gaás. Axweesantá Yohane gana axamiís ar qwal/amaaye, ala axweesantadaádá' inós guri sakwasleemút.

Marko 6:26

Waawutmo iri gurhaamuút ló'wa ale. Ala si'ima gaa aslayká as lo'oodá' aa /aáy, nee as mukdá' didá' wa /ayiím.

Luka 13:32

Yesu giri báy, «Tlawsé', intsangwdá' ku beera', ‹Iia qaaseek, laarí nee matlo aníng a neetlaamér duxuúm, nee tiqtuuse ngiwa hungu/umiis. Ala bál tám gadiyér'eé' a boo/eés.›

HAR'OHUUSE 11:39

Alaá slahheeraá tsár niwa waaraahhiyé', iri amór dó' i wátl. Baabuúwós al'axweesantós gari boo/eés ar adoodá' ngira axweés. Dasiirí nee hhawaata taa alqaatiiká. Iimír qoomaadae dakwí iri iimu/ún baraá Israeliro.

HAR'OHUUSE 21:1

Múk Israeli lo'o kana /aáy dír Mispár wa ale tari oó', «Hee tumu wák miwa ya/án dasiirós kawa duuxi nee heé tlahhoó Benyamini.»

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.

1 SAMUELI 14:28

Heeko wák guri báy, «Baabuúwók muu guna lo'ór /aymiís iwa kaahi, ‹Heé muruú /ayma laarí gwaa /aay i tsarere'eeti.› » Qoomaadae muu qwari gwaa slaaqatimís.

1 SAMUELI 25:22

Matlaatlér matlo hhawaataá do'ós sleémeero bira qoo tsu/aa/imiiká, Mungú aníng i gaasi.»

1 SAMUELI 28:10

Saulo lo'o gari /aáy, ar umuú AAKOÓ MUNGÚ, iri oó', «Ar adór AAKOÓ MUNGÚ ir daadeér, kiíng slahhtá ta sleer as daanduú kaangwí i káhh.»