Matayo 14:8 - Biblía Axweesantá Hhohho' ar Mungú 2004

⁸ As dasi kawa dukaakín nee aayoorós, Herode guri beér, «Gár ni slaa' a ságw Yohanedá' Baatimaamiís ngun baraá xooslmoowí qás.» Ala gár dasi adoorí ngisa ó', a aayír'ín ngina adoorí beér.

Ya/abtór hho' 1977

⁸ Dasi iri ó', “Gár án ni slaa' a ságw Yohanudá' Baatimaamiís baraá xooslmoó i qaasang.” Ala gár dasi adoorí ngisa ó', a aayír'ín ngina adoorí beér.

Matayo 14:8 Iomraidhean Croise

1 WAAWITÁ 18:13

Xáy, kuúng gár ta xu' i káhha, qoomár aníng aaruusér AAKOÓ MUNGÚ ngiwa luú/, qoomár kiwa tsu/i nee Yesebeli. Aníng aaruusér tsiiru ana luú/ baraá mar'o, daqooráy tsár oo mibeeri kooán, kooán nee ngiri muruú /ayma nee ma'aá wahángw i hanmiís.

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

1 WAAWITÁ 19:2

Naagáy Yesebeli harér Ahabu afo gari ya/áb amór Eliya, guri beér, «Mungui aníng i gaasiye' barnaxes slafiingók bura qo adór kuduú aaruuse tleehhiiká matlo siiwár adór tihe.»

2 WAAWITÁ 11:1

Atalia aayór waawutmo Ahasia kaangwí nguwa axás adór na/aywós kura gaás, inós iri tleér na/aá doó waawutmo sleémeero giri hhaamis.

ESRA 1:9

Gaarí a faaroorós: Iimpaá sahaábu a mibeeri tám, awa peésa a kumuú wák, tsati'i mibeeri tsár nee gwaleél,

AXWEESANOÓ SAGALOOA 1:16

Asma ya'aaín i gaansliná' baraá tlakweema, inooín i kararasliyá' as tseere kawa ku'uusi.

AXWEESANOÓ SAGALOOA 29:10

Múk tseerdaá múk ku'umamiís heé daba' hhohhó' ngu slaiiká, ala múk hhó' slafíngw heedaádá' gun de'én.

FAARO 7:13

Ilahhooarós a tí: Sahanír wák ar taa tleéhh ar peésa, iilooeemaawós a kílo wak nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

FAARO 7:19

Inós muruú aa haniís a kwí: Sahaánír wák ar taa tleéhh ar peésa iilooeemaawós a kílo wák nee tlaqi, nee iimpér wák ar ta tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

Matayo 14:11

Sagwdá' kunguri xooslmór huúw, kuri haniís dír dasiidá', nee dasiidá' guri húp amór aayoorós.

Matayo 14:7

Tam Herode al'axweesani gari oó' ar lo'o. Iri oó', «Umuúqo gaaro ar kiíng ta sla' firiimang.»

Matayo 14:9

Waawutmo Herode iri gurhaamuút, ala as lo'odá' aa huúw, nee as mukdá' didá' wa /ayiima, hara'aya gari haniís saga kuwa haniisi.

Marko 6:24

Dasi iri tleér ay amór aayoorós, gari yaahás gana beér, «Gár ni firiim a milá?» Aayo gari beér, «Ságw Yohanedá' Baatimaamiís na firiimeek.»

Marko 6:25

Hamtidár kilá' dasi nina kí/ ar gaanslaay ay dír waawutmo, guri firiín, «Gár ni slaa' a ságw Yohanedá' Baatimaamiís hamír kilá' baraá xooslmoó i qaasang.»

Marko 6:28

sagós nguri huúw ar baraá xooslmo, guri dír dasiidí haniís. Dasi guri dír aayoorósí hanís.