Matayo 14:15 - Biblía Axweesantá Hhohho' ar Mungú 2004

¹⁵ Tsiindo niwa xayé', eeharuuseerós guri i daqeér, guri beér, «Diirí tay diriiaan a baraá darma, nee slám looa aa dát. Boo/aywí deeloórí ooeek i tlaye' baraá gixsadu muruú /aymar'ín ngu tlaxór aye'.»

Ya/abtór hho' 1977

¹⁵ Tsiindo niwa xayé', eeharuuseerós guri i daqeér guri beér, “Diirí tay diriiaan a baraá darma, nee slám looa aa dát. Boo/oó muu deelór i ooeek as tawa ki/i baraá gixsaduuín as muruú /aymar'ín kuwa tlaxór ay.”

Matayo 14:15 Iomraidhean Croise

Matayo 14:13

Nee Yesu kangwdá' nguwa axaás, iri tláy ar miringamo ay dír inós tawa kilós. Nee boo/oó muu adoodá' ngiwa axaás, kuri eehár ar ya'a' amór gixsaduuín wa ale.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

Matayo 14:16

Yesu giri báy, «Gár tas tlay i káhh, kuungá' muruú /aymaárií hanisaak.»

Matayo 15:23

Ala Yesu gár ngaa báy i káhh. Eeharuuseerós guri i daqeér, guri firiiriín, guri beér, «Ádbaweek, i tleer, asma ti daawitimís ar tsimaahhi.»

Marko 8:3

Án bira geemáw tawa qwákwár watli, /ara/eeri gi loohírií eér, asma bahh'alé amór ta dahhi ka saaw.»

Luka 9:12

Looa iwa darat eeharuuseedá' mibaá nee tsár guri i daqeér guri beér, «Muksíng watliseek, as tawa ki/i baraá tla/ángw áykwí alé, dír qatuuín kawa leeleehhi nee muruú /ayma, asma diirí ti diriiaan a baraá darmuú tawo.»