Matayo 13:52 - Biblía Axweesantá Hhohho' ar Mungú 2004

⁵² Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Ya/abtór hho' 1977

⁵² Yesu giri báy, “Gawaá adoorihe umuúqo intsaahhatusmoó hara'ayár Musawo, oo sagalooá waawuti'iimár doori ga koóm, a slaqás nee heé do' loó', oo muruuwós kudá' /abén gu hanmiís, nee kudá' qarene.”

Matayo 13:52 Iomraidhean Croise

ESRA 7:10

Asma Esrawí muunaáwós guna amór Mungú xu'ús, dabér AAKOÓ MUNGÚ ngiwa intsaatsahhi nee ngiwa tlehhiiti, nee kaahír Mungú ngiwa intsaahhatimisi baraá yaamaá Israeliwo nee tidá' ngwaa bayi.

ESRA 7:21

«Nee anuú waawutmo Artashasta, kuungaásingá' daqaari'iimár amohhe'eemisá' awa ayeemaá gayuú /uwa yaaér Eufratero nun babawaan, umuúqo gár Esra kuduú kaahamusmo nee goousmoó dabér Munguú doori i slai hanisaak ar ilakaahara, ma babaqaamisaara'.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

AXWEESANOÓ SAGALOOA 11:30

Hotaá ganaa'á' a mamaá xa'anoó slafiingw. Heé sagaloó' ga aleesláy muu nguwa afa/asli.

AXWEESANOÓ SAGALOOA 15:7

Afér múk sagelooén xu'uti gan alki/ít, Inslawoó daktana adoorí ga i diri'iiká.

AXWEESANOÓ SAGALOOA 18:4

Axweesanoó afkú hee a adór iltá ma'aay, a adór tsiqaá sagalooa nee kutltá ma'aay niwa ti'imitiya'.

DAA'AANGW 7:13

Mooyángw xa'anoó ta bay tunguúja i tlatláy, dír afkú doorene umuú xa'anoowo i deer oo mamaá hhohho' gi koóm. Aníng xaa'aá qaren nee awa /abene iga amohhe'eés as kuúng sla'aarusmooeé'.

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Matayo 13:51

Yesu giri yaahaás iri oó', «Tí sleémeero aga tsahhí'i?» Tari oó', «Eeít.»

Matayo 13:53

Yesu slaqsi'iiká' axweesanto ngiwa hhe'eés, iri ti'iít iri tláy.

Matayo 23:34

«Gawaá adoorihe xumiisé'. Án aaruuse ngi amorhúng i ya/aáw nee múk sageloene, nee intsaahhatuuseero. Inooín bahh'alé kuungá' i tsu/á', bahh'alé i kiki'iindá', bahh'alé i muxá' baraá maraá saalingwhunge, nee kiwa gusisiinda' baraá umuúqo gixsaro.

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Luka 11:49

Gawaá adoorihe gaarí an gár sagalooár Mungú isa ó', ‹Ga/aawaak, aníng aaruuse nee ya/abuuse an amor'íní ya/aáw, nee bahh'alé kin tsuu/, nee bahh'alé kin gusiisín,›

Yohana 13:34

Hara'ayár /aben ngi oó', ‹Ti sla'aaslae'. Adoodá' án kuungá' nura slaá', kuungá' sleeme ti adoodár sla'aaslae'.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

Efeso 3:4

Kuungá' bura soomusé', adór lu/aaráydú Kristo án ngura xuú' a tsahhá'.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

Kolosai 1:7

Kaangwí kunguna dirhúng i intsaahhatimís nee Epafra, sla'aarusmoorén. Inós a lawaalmoó Kristo adór atén wa ale, slám an sagadiyusmoó Kristo oo inkihhím as atén.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

1 Timoteo 3:6

Slám inós masók a heé aa ba/aniiká deeloorí /abene, as miwa daar/uút, iri huu', kuri sakwasleemuut adór Neetlángw wa ale.

Tito 1:9

Inós masók a heé axweesantá haratlintaao gaa oh, adoodá' kura intsaahhatimís, as muu nguwa aleeslay gurbu'ungo ar axweesantadár ló', nee múk axweesantadá' ga siaasií' nguwa ar ba/i.